El Gobiernu estatal va xubir hasta los 450 euros l’ayuda a paraos con una carga familiar importante

|

De 399 a 450 euros. El Ministeriu de Presidencia y el Ministeriu d'Emplegu y Seguridá Social anunciaron un aumentu de 51 euros na ayuda que reciben aquellos paraos qu’escosaren les sos prestaciones y tengan una carga familiar importante.

Les persones que van optar a esta ayuda van ser aquellos que tengan, amás de cónyuge o pareya de fechu, a dos miembros de la unidá familiar al so cargu. Asina, éstos van recibir 450 euros mensuales en cuenta de los 399 euros actuales.
 
La vicepresidenta del Gobiernu, Soraya Sáenz de Santamaría; la ministra d'Emplegu, Fátima Báñez; el ministru de Facienda, Cristóbal Montoro; y el direutor de la Oficina Económica del Presidente del Gobiernu estatal, Álvaro Nadal, decidieron esta midida depués d'aconceyar nel Palaciu de la Moncloa p'analizar la reforma del Plan Prepara, que va aprobase esti vienres.

Contador Estadistiques