La Fundación José Cardín Fernández fai un tributu a la escritora Aurora Sánchez Fernández

Nel mes de xunu finó tres una enfermedá la escritora en llingua asturiana y castellana, Aurora Sánchez Fernández. La maliaya Fundación José Cardín Fernández quier recordala con un recital poéticu a cargu del so maríu, Xosé Lluis Campal.
 
Los poemes que Campal ufrirá nel actu, que va principiar a les 20 nel salón d’actos de la Fundación, pertenecen a un poemariu inéditu fechu por él mesmu y entituláu ‘Aurora de fulgor’, escritu ente finales del 2005 y entamos del 2007. En total, son un centenar de composiciones dedicaes a Auro, de les que l’escritor uviedín va facer una seleición. Campal va ser presentáu nesti actu pol escritor lleonés Antonio Merayo y la periodista y bloguera xixonesa Isabel Moro.
 
Sánchez Fernández, filóloga, escritoria y investigadora, finó n’Uviéu a los 47 años tres una vida dedicada a les lletres. De fechu, trabaya nel momentu de la so muerte como correutora del diariu uviedín ‘La Nueva España’. Na so actividá lliteraria utilizó tanto la llingua asturiana como la castellana, llegando inclusive a ganar el Premiu de Llectures pa Rapazos de l’Academia de la Llingua Asturiana col llibru ‘Una fardelina de cuentiquinos en versu’, fecha en comuña col so maríu, Campal.