Playes como les d’Outur o Frexulfe zarráronse al bañu por mor de la presencia d’una masa d’aguamales que tamién afeuta al oriente de Galicia. Éstes, de toxicidá alta, podríen desplazase al centru y l’oriente del país nos díes próximos.
Esti martes entama la XXI Fiesta de la Sidra Natural de Xixón, qu’esti añu allarga la so duración en dos díes pa sumar un total de seis. El récor d’escanciáu simultaneu mantiénse’l vienres y el día central del certame, el domingu.
Más d’un centenar de profesores salieron a la cai esti llunes n’Uviéu en defensa de la escuela pública y contra’l despidu d’interinos. Los convocantes cifren en 600 los trabayadores que van perder el so emplegu en setiembre.
50 díes depués de presentar la denuncia pol arramáu d’HC Energía n’Aboño énte Mediu Ambiente, la Coordinadora Ecoloxista recibió una respuesta del Gobiernu. Ésti refuga a los ecoloxistes l’accesu al espediente sancionador.
Un 78 por cientu de los neusos usuarios afirma nun creyer a Ana González y dulda de que la especialidá d’asturianu sía una realidá nesta llexisltura. La conseyera comprometióse a algamala mientres la inauguración de la UABRA en Cangas.
Pese a que la organización de La Vuelta comprometióse col Gobiernu d’Asturies a utilizar la toponimia oficial del país, na so páxina web mantién los topónimos castellanizaos. Mañana principia la ronda ciclista n’Iruña con un prólogu.
La plaza la Escandalera, n’Uviéu, va ser el llunes puntu de salida d’una marcha convocada por SUATEA en defensa de la escuela pública y contra los despíos d’interinos. Darréu va haber una asamblea frente a la Conseyería d’Educación.
L’eventu ‘Veranu Lliterariu’ entama la so segunda selmana d’actividá cola participación de Inaciu Galán y Jorge Fernández. Estos alcuentros con escritores que tienen llugar en Corvera van allargase hasta’l 4 de setiembre.
Un oru y un bronce. Ésti foi’l resultáu algamáu polos ocho deportistes asturianos que participaron nos Xuegos Olímpicos de Londres, que finaron el domingu con un gala de clausura espectacular protagonizada pola música británica.
L’académicu y presidente d’ANA, Carlos Lastra López, dio la conferencia cabera de la UABRA, qu'esti vienres peslló les sos puertes. Na so intervención aseguró que “los políticos nun faen por qu’Asturies sía ‘Paraísu Natural’”.
