El parque La Llaguna de L’Entregu ye’l llugar escoyíu por Conceyu Abiertu pa celebrar el Día de la Nación Asturiana. Dellos representantes de la formación nacionalista van intervenir nun actu políticu, al que va siguir una xinta popular.
Esti miércoles, a les 21.30 hores –20.30, hora llocal–, va tener llugar la ceremonia inaugural de los Xuegos Paralímpicos de Londres. Asturies va tar representada n’Inglaterra por cuatro deportistes con opciones de medaya.
El Comité de Solidaridad con la Causa Árabe entamó un autocar que salió esti martes de Xixón pa recibir a la so llegada a Bermeo al ‘Estelle’, veleru que viaxa hacia Gaza. Los asturianos lleven sidra y quesos del país a Euskadi.
El Centru Social Autoxestionáu La Semiente tien en marcha una campaña de recoyida de material escolar p’ayudar a les families más necesitaes na ‘vuelta a la escuela’. El 10 de setiembre va principiar el repartu de los llibros.
Foro Asturias Ciudadano va pesllar el vienres el Centru d’Alcuentru y Acoyida ‘Calor y café’ alegando falta d’un espaciu pal mesmu tres finar el contratu d’arrendamientu del so llocal. IX esixe la so continuidá nel equipamientu social d’El Natahoyo.
Alredor de venti persones averáronse’l sábadu al monolitu d’homenaxe a la declaración de soberanía del Conseyu d’Asturies y Lleón asitiáu por Andecha Astur nel puertu Tarna. El día 25 cumplíense 75 años d’esti fechu.
Once participantes na marcha ‘Andalucía en pie’ entamada pol SAT resultaron deteníos tres ocupar un bancu de manera pacífica. L’alcalde de Marinaleda, Juan Manuel Sánchez Gordillo, acusa a Interior de les detenciones.
Sidra Buznego, llagar con instalaciones n’Arroes, llevóse’l ‘Eloxu d’oro’ a la meyor sidra de la XXI Fiesta de la Sidra Natural de Xixón. Mentes, el xuráu del públicu escoyó a Sidra JR como la so favorita ente los 22 participantes.
Los téunicos de la Conseyería d’Agroganadería y Recursos Autóctonos nun pudieron salva-y la vida a un osu adultu atrapáu por un llazu d’aceru cerca de Santianes. La Fundación Oso Pardo (FOP) solicita una investigación pa dar col culpable.
La música asturiana torna a tar de llutu. El percusionista de Corquiéu, David Mateos ‘Puru’, finó esti xueves tres ser treslladáu al madrilanu Hospital de la Paz poles quemadures sufríes al arder el so coche na tarde del miércoles.
