Un ataque al Consuláu estauxunidense na ciudá libia de Benghazi terminó cola vida del embaxador, Chris Stevens, y de trés trabayadores. Dellos homes armaos llanzaron cohetes contra la sede americana na segunda ciudá del país.
Vicente Gotor, rector de la Universidá d’Uviéu, señaló na inauguración del cursu académicu que la institución “nun ta en condiciones de crecer nel so catálogu d'estudios”. Considera que ye momentu d’apostar “pola calidá frente a la cantidá”.
2.000.000 de manifestantes –600.000, según la Delegación del Gobiernu estatal– participaron na manifestación independentista convocada en Barcelona. Trátase de la movilización más masiva de la historia de Catalunya.
El Serviciu de Normalización Llingüística y la Oficina de Consumu del Cabu Peñes peligren. Foro Asturias ta dispuestu a sacrificar estos dos servicios pa nun disolver asina la Mancomunidá, como pretende’l Partido Popular (PP).
Diecisiete personalidaes de la política y cultura asturiana participaron esti llunes nun homenaxe a la narrativa del país que sirvió de pistoletazu a la Vagamar 2012. Enantes tuvo llugar la tradicional arribada de congresistes y la inauguración oficial.
Representantes de la Xunta pola Defensa de la Llingua Asturiana (XDLA) aconceyaron el llunes con Ana González. La conseyera d’Educación, Cultural y Deporte remarcó la negativa del so grupu políticu a la oficialidá de la llingua asturiana.
L’atleta Alberto Suárez Laso (Riosa, 1977) algamó la medaya d’oru na maratón categoría T12, pa persones con deficiencies visuales, y el récor del mundu nos Xuegos Paralímpicos. Trátase de la única medaya asturiana en Londres.
Compromisu por Asturies celebró’l Día de la Nación Asturiana con un actu políticu en Perlora. Na so intervención, Yolanda Huergo alertó de la poca capacidá de respuesta que tien Asturies énte la folada recentralizadora actual.
D’esperate. Asina calificó la Coordinadora Ecoloxista la decisión de la Confederación Hidrográfica del Cantábricu (CHC) de dragar el ríu Seya al altor de Les Arriondes. Los ecoloxistes denunciaron esta actuación énte la Fiscalía y la conseyería.
Esti sábadu, 8 de setiembre, Asturies celebra’l Día de la Nación Asturiana. Coincidiendo con esta fecha simbólica, los partíos asturianistes entamen dellos actos políticos en Perlora, L’Entregu y Xixón.
