La retirada de cooperantes del Sáḥara Occidental ordenada pol Gobiernu estatal por una inseguridá supuesta nel país africanu esmolez a Soldepaz Pachakuti. La ONG recuerda al Executivu la so responsabilidá pa cola ex colonia y la so población.
El XII Festival de Bandes de Gaites Villa de Xixón ta celebrándose estos díes na ciudá pese a la retirada d’ayudes municipales y los conflictos internos de la banda. Los gaiteros de la formación apostaron por nun dexar morrer esti certame.
Fernando Andreu, xuez de l’Audiencia Nacional, refugó la intervención xudicial de Bankia. Considera que l’alministración actual de la entidá bancaria ye distinta dafechu a la que taba al mandu cuando se cometieron irregularidaes.
Alredor de 170 persones van pasar per Cangas del Narcea dende esti llunes hasta’l 10 d’agostu pa participar na Universidá Asturiana de Branu (UABRA). Actuaciones na Escuela-Hogar permitieron ampliar l’espaciu pa los cursos.
L’acusación fecha por CC OO del Nalón contra l’alcalde de Samartín, Enrique Fernández, de cobrar dietes pol so desplazamientu a la manifestación pola minería ta llevantando polémica. Conceyu Abiertu y Andecha piden la so dimisión.
El gobiernu de Noreña del socialista César Movilla amosó otra vuelta la so falta de respetu a los derechos llingüísticos al refugar la ordenanza d’usu del asturianu nel conceyu. Ésta foi presentada por Pablo Pérez, edil de Conceyu Abiertu.
Esti vienres, a les 22 hores hora asturiana –21, hora llocal–, va dar entamu la gala inaugural de los trixésimos Xuegos Olímpicos de la era moderna. Un total d’ocho asturianos van pelear por tornar de Londres con una medaya.
Los emplegaos de Bienestar Social acudieron per segunda ocasión vestíos de negro al so puestu de trabayu “en señal de llutu pola alministración pública”. Esti martes ta prevista una reunión colos funcionarios de toles conseyeríes.
Tres los incidentes últimos rexistraos n’Aboño, Ecoloxistes n’Aición reclamó al ministeriu, a la conseyería y a AENOR, la salida d’HC del rexistru européu voluntariu EMAS. Ésti inclúi a les empreses que cumplen cola llexislación ambiental.
