L’anteproyeutu de la Llei de Presupuestos pal 2013 incluyirá una xuba d’un 1 por cientu nes pensiones. El Gobiernu del Estáu tamién quier caltener la compensación pola esviación del IPC nel mes de payares.
Los sindicatos sanitarios van celebrar diez xornaes de paru ente’l 16 d’ochobre y el 7 de payares. Unos 16.000 trabayadores tán llamaos a la fuelga, que va ser de xornada continua, según informaron esti xueves.
Alredor de 3.000 persones participaron na marcha convocada en Xixón por CSI, CGT, CNT y SUATEA “contra los recortes y pola fuelga xeneral”. La protesta trescurrió con normalidá pese a les torgues de la Delegación del Gobiernu estatal nel país.
Tres 29 díes de zarru, los sindicatos sanitarios decidieron abandonar de manera definitiva la sede del SESPA y entamar una fuelga’l 16 d’ochobre. “Nun mos queda más remediu”, dixo Francisco Menéndez, representante de SICEPA-USIPA.
Más de 200 persones acudieron a la convocatoria fecha pol Movimientu 15-M Asturies y el CSOA La Madreña p’arrodiar la Xunta Xeneral en solidaridá coles marches hacia’l Congresu de Madrid. N’Avilés hubo una aición similar na Casa Conceyu.
La direutora de Política Llingüística, Ana María Fueyo, confirmó la intención del PSOE de potenciar l’asturianu n’Infantil. Nuna reunión cola XDLA, la conseyera d'Educación, Cultura y Deporte, Ana González, yá se mostrara receptiva nesti aspeutu.
El llunes 8 d’ochobre va tener llugar la primer xornada de fuelga convocada pol Sindicato Médico Profesional de Asturias (SIMPA). Ésta va ser de media xornada –al igual qu’otres cuatro más– como “una especie d’alvertencia”.
Catalunya va vivir unes eleiciones anticipaes el 25 de payares. El presidente de la Generalitat, Artur Mas, da esti pasu cola intención d’entamar un procesu que permita al pueblu catalán exercer el so derechu a l’autodeterminación.
L’Atenéu Obreru de Xixón va acoyer esti martes la presentación del llibru ‘La bona intención / La buena intención’, de Xosé Bolado. Esta obra, billingüe, ye la primer espublización n’asturianu de la editorial Impronta.
La falta d’un proyeutu pa la construcción d’un accesu pal Hospital Universitariu Central d’Asturies (HUCA) esmolez a Compromisu por Asturies d’Uvieú. La organización encamienta al Gobiernu a trabayar nello.
