El 29 d’abril va principiar la XXXIV Selmana de les Lletres Asturianes, que nesta ocasión va tar dedicada a Nené Losada Rico, escritora que finó nel 2009 a los 87 años. Cultura va estender esta edición al teatru, la música y la gastronomía.

El PSOE de Noreña púnxose en contautu con Conceyu Abiertu pa conocer la so opinión de cara a la ellaboración de los presupuestos municipales. La formación nacionalista apuesta por “facelos más populares, dinámicos y completos”.

La Xunta pola Defensa de la Llingua Asturiana (XDLA) entama un cursu d’afondamientu llingüísticu destináu a persones adultes nel so llocal d'Uviéu. Ésti va principiar el 8 d’abril, con clases tolos llunes y miércoles.

Uviéu continúa ensin entrar nel Consorciu de Tresportes d’Asturies (CTA)  y los ciudadanos siguen sufriendo los inconvenientes de nun poder usar el billete únicu. Compromisu por Uviéu afala al alcalde pa que solucione esta situación.

L’Executivu yá non sólo nun fai nada pol asturianu, sinón que castellaniza lo poco que tien denominación nel idioma del país. La XDLA ta acabante d’alertar del cambiu del nome y del logotipu de l’Axencia Asturiana de Cooperación al Desarrollu.

La compañía Asturgold nun cesa nos sos intentos pa convencer a los tapiegos y ciudadanos del occidente del país p’abrir una mina d’oru en Salave. La so operación última ye la contratación d’ún de los fundadores de Greenpeace.

José Ramón Tuero, direutor xeneral de Deportes, anunció esti miércoles que la temporada d’esquí va allargase una selmana más pola cantidá de nieve acumulada nes estaciones. Asina, ésta va zarrase’l 7 d’abril y non el Domingu santu.

Dende esti miércoles, la ciudadanía podrá consultar les nómines del presidente y de los conseyeros, ente otres informaciones, nel nomáu Portal de Tresparencia. L’Executivu trabaya na ellaboración de la Llei de Tresparencia.

Un carta pública a Antón Reixa del músicu xixonés Xabel Vegas llevó al presidente de la SGAE a anunciar la retirada de la demanda de la entidá que dirixe a Radio Kras. La emisora llibre debía d’afrontar un pagu de 2.328,08 euros.

Les declaraciones feches pola conseyera Ana González sobre la “singularidá” de les escueles rurales na so visita a Ibias nun prestó a SUATEA. El sindicatu educativu denuncia la situación d’estos centros y reclama dignidá pa los alumnos.