Asturies vive esti vienres una celebración nueva del Día de les Lletres Asturianes. Per tol país celébrense actos coincidiendo con esta xornada, siendo’l más destacáu la xunta estraordinaria que celebra l’ALLA nel Teatru Campoamor.
Baxo’l lema ‘L’asturianu, llingua oficial’, la ciudadanía torna a salir esti vienres a la cai pa reclamar un puestu principal pal idioma na sociedá. La XDLA convoca esta manifestación, que va salir a les 19.30 hores de la uviedina Estación del Norte.
Un 78 por cientu de los llectores d’Asturies.com aprovecharán el Día del Llibru n’Asturianu pa mercar dalgún productu nel idioma del país con un 10 por cientu de descuentu. Amás, recibirán de baldre ‘El ríu y la memoria’.
Por cortesía de l’Asociación de Llibreríes del Principáu d’Asturies, Asturies.com va sortiar cinco exemplares de ‘El ríu y la memoria’ ente los nuesos llectores. P’algamar ún deberán responder una entruga sobre la obra de Nené Losada Rico.
Esti xueves inauguróse na Pescadería Municipal Antigua d’Avilés la Feria del Llibru y del Discu n’Asturianu. Hasta’l domingu, los visitantes van poder acceder a 1.000 títulos y, con cada merca, recibirán un exemplar de ‘El ríu y la memoria’.
De la necesidá nació la idea y, tres más de diez años de prebes y avances, ésta fíxose posible. Pablo Carrera ta acabante de llanzar al mercáu xunto al so sociu y tamién gaiteru, Pelayo Gallego, POITER, un soporte pa posar esti instrumentu.
Xunta Estudiantil Asturiana ye’l nome de la plataforma d’estudiantes nacionaliega que ta dando los sos primeros pasos. Esti martes ta prevista la celebración d’un conceyu abiertu a tolos alumnos y alumnes de la Universidá d’Uviéu.
Un actu en Grau va abrir esti llunes la XXXIV Selmana de les Lletres Asturianes, que van tar dedicaes a la figura de Nené Losada Rico. El vienres va celebrase n’Uviéu’l Día de les Lletres Asturianes, col actu académicu y la manifestación.
‘El llobu na tradición oral asturiana’ ye’l nome del llibru númberu 3 de la coleición ‘Testos de recoyida oral’ de l’ALLA. Alberto Álvarez Peña rellata nél histories, cuentos y llendes sobre’l llobu n’Asturies que llegaron hasta los nuesos díis.
Les persones que s’afilien a Iniciativa pol Asturianu enantes del Día de les Lletres Asturianes van recibir llibros de regalu. El coleutivu que trabaya pola normalización del idioma celebra asina la Selmana de les Lletres Asturianes.
