En xunetu, la conseyera Ana González anunciaba un cambiu de formatu na XXXIV Selmana de les Lletres que principia esti llunes al entender que l’anterior “quedó superáu”. Los usuarios d’Asturies.com nun ven esta modificación per nengún llau.
Esti xueves va tener llugar una movilización previa a la fuelga convocada na educación pública pal 9 de mayu. La comunidá educativa va entamar zarros y actividaes reivindicatives contra la Llei Wert y los recortes nel sector.
La Conseyería d'Agroganadería incumple la normativa qu’obliga a convocar al Patronatu del Parque Natural de Penubina-La Mesa una vez al añu, según alerten doce grupos ambientales. La reunión última tuvo llugar nel 2009.
La Biblioteca del Conceyu de Carreño acueye hasta’l 31 de mayu una esposición sobre Carlos Benito González de Posada. El SNL de la Mancomunidá d'El Cabu Peñes organiza esta muestra xunto a otros coleutivos de la zona.
Los dos ḷḷenizos acusaos de participar nuna protesta minera que terminó cola Guardia Civil dientro del cascu urbanu de La Pola Ḷḷena en xunetu alcordaron cola Fiscalía una condena d’un añu de prisión. De primeres, pidíen-yos trés años y mediu.
Seis editoriales asturianes van participar na fiesta del llibru y la rosa de Sant Jordi que se celebra en Barcelona tolos 23 d’abril. La llingua asturiana va tar presente per primer vegada nesta cita llibrera de repercusión grande en Catalunya.
Meyor película, meyor actor y meyor actriz. ‘Un contrato extraño’, de Teresa Marcos, resultó la cinta trunfadora del VIII Festival de Cine Asturianu, certame celebráu la selmana pasada nel Teatru Filarmónica qu’homenaxeó al actor Frank Braña.
La intención de la Xunta pola Defensa de la Llingua Asturiana y Xunta Moza de llevar al Niemeyer la vixesimoquinta edición del Conciertu pola Oficialidá nun va poder facese efeutiva. La direición del centru cultural avilesín nun dio permisu.
