La carretera nueva que sirve d’enllaz a l’Autovía del Cantábricu (A-8) per Lieres incorpora cartelos con topónimos non oficiales de Parres y Piloña. Iniciativa pol Asturianu acusa d’esta situación a la Direición Xeneral de Carreteres.
Alredor d’un centenar de persones axuntáronse baxo la lluvia n’Uviéu pa reclamar dignidá pa la materia de Llingua Asturiana nel sistema educativu. Los maestros van treslladar les sos demandes el xueves a la conseyera Ana González.
Fiel a la so cita en feches de Selmana Santa, la Primer Sidre l’Añu torna al Muséu del Pueblu d’Asturies. Per cuartu añu consecutivu, el tendayu del recintu va acoyer una gran espicha que va tener cuatro díes de duración.
El partíu ecoloxista Equo defende’l derechu a escolarizar n’asturianu y considera que la sociedá asturiana sofita la oficialidá del idioma. Esti xueves, los maestros van concentrase pa protestar contra la precarización de la materia pola LOMCE.
L’oru olímpicu en ciclismu en ruta en Beijing 2008 y líder del Euskaltel-Euskadi, Samuel Sánchez, mostróse favoratible a la oficialidá nel programa de radio d’Iniciativa pol Asturianu. “Nun hai que dexar que muerra” l’idioma, afirmó l’uviedín.
800.000 euros de multa y 15.484 euros d’indemnización. Ésta ye la sanción que Mediu Ambiente propón pa HCEnergía pol arramáu d’Aboño, una cantidá que los grupos ambientales qu'exercen l'acusación popular consideren baxa.
El 15 de marzu ye’l día caberu pa presentar la documentación necesaria p’aspirar a una beca de formación convocada pola Oficina de Normalización Llingüística de Xixón. Ésta ta dotada en 6.000 euros y termina’l 31 d’avientu d’esti añu.
A les 21.55 hores –16.25, en Caraques– finó’l presidente de Venezuela y impulsor de la Revolución Bolivariana, Hugo Chávez, tres añu y mediu de llucha contra’l cáncer. El vicepresidente Maduro llama a la xunidá del pueblu venezolanu.
La situación nueva na que s’atopa la materia de Llingua Asturiana nel tercer anteproyeutu de la LOMCE nun ye garantía pa la so presencia digna na educación, según la XDLA. El coleutivu llama a participar na concentración del xueves.
El 13 de xunetu, a les 19 hores, va tener llugar na colunguesa Sala Loreto’l XIII Certame de Gaita Asturiana ‘Premiu Gaiteru Lliberdón’. Les persones interesaes en participar tienen hasta’l 20 de xunu pa formalizar la so inscripción.
