El Gobierno acreitó esti xueves a los primeros embaxadores de la candidatura de la cultura sidrera asturiana a patrimoniu inmaterial de la humanidá. En total son 134 les persones y entidaes que van encargase de sumar sofitos a esta iniciativa nos meses próximos.

Sustitúi a Gaspar Llamazares na Xunta Xeneral tres la dimisión del voceru d'IX.

Jaime Gareth Flórez prometió esta mañana'l so cargu como parllamentariu, pa lo que fixo usu de la llingua asturiana. Alcalde de Degaña ente 2003 y 2011, anguaño ye secretariu de Converxencia d'Izquierda Xunida (IX), axuntu a la Secretaría d'Organización, miembru de la Comisión Colexada y la Coordinadora d'IX, y de l'Asamblea Política y Social d'IX federal.

Trátase d'una edición facsímil con motivu del programa 'Cuadonga Centenarios 2018'.

La ministra Reyes Maroto confirmó na Comisión d'Industria, Comerciu y Turismu del Congresu celebrada esti miércoles que esisten “dalgunes empreses interesaes na inversión nes dos plantes” d’Alcoa. Hasta’l 1 de xunetu ta garantizáu la totalidá del emplegu nes instalaciones d'Avilés y A Coruña.

María Esther García López y Iris Díaz Trancho son dalgunes de les espertes convidaes al alderique ‘La lliteratura infantil y xuvenil n’Asturies güei’. Celébrase nel marcu de la esposición ‘Que nos quiten lo lleío. 30 años de lliteratura xuvenil n’Asturies’ que se pue visitar hasta'l vienres nel avilesín Palaciu de Valdecarzana.

El Conseyu de Gobiernu aprobó esti miércoles la primer modificación del Decretu que regula los derechos y deberes del alumnáu de los centros públicos. El profesoráu gana autoridá frente a los escolinos con esti testu que detalla les competencies de los maestros pa frenar conductes inapropiaes nes escueles.

Ocupa l'escañu del fináu Álvarez Areces.

Guadalupe María Casonova 'Lupe' prometió acatar la Constitución española ayeri na sesión del Senáu pa tomar cargu como senadora por Asturies. Nacida en Sama nel añu 1963, desendolcó la so trayeutoria política en Samartín del Rei Aurelio, onde anguaño ye conceyala de Servicios Sociales y Vivienda, amás d'encargase dende'l 2015 de la Vicesecretaría Xeneral de l'agrupación llocal del PSOE.

Fernand de Varennes, Rellator Especial de Naciones Xuníes (NN XX) sobre Cuestiones de les Minoríes, fixo públicu un documentu coles sos observaciones preliminares de la so visita al Estáu. Nél apunta que vio faltes na realización efeutiva de los derechos llingüísticos de les minoríes, sobre manera nes aquelles comunidaes, “como n’Asturies”, onde l’idioma “nun gocia d’estatus oficial”.

La plaza del Institutu d'Educación Secundaria Avelina Cerra de Ribeseya yá se cubrió.

Motivos personales ye la razón alegada al conseyu d’alministración de la RTPA por Antonio Virgili p’arrenunciar al so cargu como direutor xeneral del ente públicu de comunicación, que va facer efeutiva’l mes próximu. Iniciativa pol Asturianu solicita al Gobiernu un sustitutu “qu’apueste pol asturianu y el gallego-asturiano”.