Asturies remató xineru col númberu más baxu de paraos nesti mes dende’l 2009, según los datos de paru rexistráu.

El BOPA espublizó'l decretu toponímicu de Les Regueres, polo que los nomes de llugar tradicionales del conceyu pasen a ser los oficiales en sustitución de los castellanos.

Alicia Álvarez y David Varela van poner un conciertu n’acústicu con una esbilla de los cantares de ‘Bestiariu’, proyeutu qu’axunta a decenes de grupos asturianos con cantares con animales como filu conductor. Esta actividá va abir el primer semestre del ciclu La Reciella de La Factoría qu’aporta a Avilés teatru, música y cuentos.

La cantante y percusionista d’Amieva afincada n’An Oriant, Clara Diez Márquez, cuenta con proyeutu musical nuevu. Trátase de Muga, un tríu formáu colos bretones Martin Chapron y Thomas Felder que prepara l'espectáculu ‘Chants de femmes des Asturies’ con feches yá zarraes dende marzu en tol Estáu francés.

Trátase d'un proyeutu d’alderique y construcción entamáu dende la izquierda soberanista asturianista col enfotu de reconstruyir esti espaciu políticu.

La primer xornada pública del Procesu Batura va desendolcase’l sábadu dende les 17.30 hores n'Uviéu, nel Llar La Llegra (El Postigu Baxu, 40). Ésta va tar centrada en principiar a dar pasos pa la organización d’un procesu que va siguir cola convocatoria de dellos conceyos abiertos per distintos llugares d’Asturies demientres los meses próximos.

Potencia la nueche de los vienres y feches concretes, como Nuechebona o Nuechevieya, a partir de la 1 de la madrugada.

El conseyu d'alministración del Consorciu de Tresportes d'Asturies (CTA) aprobó ayeri la rede base y l'ampliación de los servicios nocherniegos, los denominaos autocares ‘búho’ en castellanu, que nel 2018 tresportaron a 157.746 usuarios, un 2 por cientu más que l'añu anterior. Los horarios actuales, tres los ameyoriamientos fechos, son los siguientes:

Cuatro meses depués del comienzu del cursu, los alumnos de trés centros de Secundaria de Zarréu, Ribeseya y Ḷḷuarca matriculaos en Llingua Asturiana nun recibieron clase nenguna de la materia. La razón ye la falta de maestru, según denuncia’l Sindicatu d’Enseñanza de Comisiones Obreres (CC OO) d’Asturies.

Compromisu por Ḷḷena y Izquierda Xunida (IX), partíu qu’ocupa la alcaldía en Ḷḷena, van dir xuntos a les eleiciones municipales del 26 de mayu. “Tamos nunos tiempos de xuntanza y de compartir idees”, apunta José Agripino Pérez Acebal, edil de la formación nacionalista.

Asturies ta viviendo un temporal nuevu d’aire y nieve una selmana depués del anterior, que provocó delles enllenes y causó la muerte de cuatro persones nel país. Esti martes rexistráronse raches d’aire d’hasta 121 quilómetros per hora y tola mariña ta n’alerta naranxa.

Presentó tamién de manera formal un escritu nel Ministeriu d'Educación y Formación Profesional pa modificar el Real Decretu.