Namái llegó una de Vueling pa facer la de Londres, pendiente de que la compañía complete la información demandada.

La segunda convocatoria del Gobiernu pa zarrar contratos de promoción turística y coneutividad aérea directa tornó a quedar ermu no que respeuta a la ruta con París y Frankfurt am Main. Nenguna compañía presentó ufierta nenguna.

Nun foi asina cola de Londres, pa lo que hai una propuesta de Vueling. L'aerollinia tien agora un plazu de trés díes pa completar la documentación alministrativo apurrío.

El secretariu xeneral de la FSA, Adrián Barbón, considera que los Presupuestos Xenerales del Estáu “son positivos p’Asturies” y caltién esperances en que superen la votación del miércoles nel Congresu. De nun salir alantre, el Gobiernu convocará eleiciones, pa lo qu’asegura que "la FSA-PSOE ta preparada”.

Les obres que van permitir l’ampliación del númberu de places nel centru de día y n’Hemodiálisis del Hospital de Xarrio van principiar la selmana qu’entra. El centru que da serviciu al occidente va lliberar tamién una zona n’Urxencies pa destinala a urxencies pediátriques.

Xuan Santori va compartir na so presentación y inauguración d'una esposición en Xixón, documentos nuevos sobre Vicent García atopaos na New York Public Library.

'42.553: Depués de Buchenwald', obra merecedora del XXIII Premiu Máximo Fuertes Acevedo d'ensayu, correspondiente al 2017, ta siendo un ésitu total, como amuesa que s'escosara la primer edición. Trabe yá tien preparada una segunda, que se va presentar estar tarde en Xixón, na Biblioteca Pública Municipal Alfonso Camín de Roces, a les 19 hores.

Separtar les Estatales coles Europees, Nacionales y municipales o celebrar un ‘superdomingu’ eleutoral. Son les dos alternatives que manexa anguaño’l presidente del Gobiernu Pedro Sánchez énte la falta d’alcuerdu colos nacionalistes catalanes p’aprobar les cuentes.

L'oxetivu ye visibilizar l'idioma "en toa triba de videos en formatu de programes per Internet" y descubrir talentos nuevos.

Baxo'l nome de '¡Yes Youtuber!' la canal PlayPresta y la productora Cuatro Gotes Producciones convoquen esti concursu destináu a xente de toles edaes. Ésti ta abiertu a toles propuestes posibles, dende opinión a entretenimientu, pasando per videotutoriales, telerealidá, ficción y otres propuestes nueves o formatos recuperaos y adaptaos al mediu dixital.

La institución asturiana acude "coles mires d’establecer llazos y compartir esperiencies".

El II Alcuentru d'Academies de Cine d'España y Portugal ta celebrándose esti llunes en Zaragoza cola participación de les academies asturiana, andaluza, gallega, catalana, valenciana, española y portuguesa, amás de l'anfitriona, l'Academia del Cine Aragonés. Nel casu de l'Academia del Cine Asturiano desplazáronse hasta Aragón la vicepresidenta Marisa Vallejo y Graciela Mier.

Juan Carlos García Hoyuelos va desplazase a Uviéu pa participar nun actu poéticu-musical nel llar de l’Academia de la Llingua Asturiana (ALLA) que va servir de presentación n’Uviéu de ‘Aire, fuego y deseo’. Trátase del segundu proyeutu del autor en toles llingües ibériques.

Celebra agora en Xixón un conceyu abiertu nuevu pa continuar col repasu y análisis del "papel de la izquierda soberanista asturiana en términos sociopolíticos y estratéxicos".

Nuna votación axustada, como s’esperaba, Yolanda González Huergo proclamóse vencedora de les primaries de Podemos Xixón y será la cabeza de llista de la formación nes municipales del 26 de mayu. Superó a Rosa María Espiño por un total de 33 votos.