Un recital poéticu-musical nel llar de l’Academia de la Llingua Asturiana (ALLA) sirvió esti llunes de presentación n’Uviéu del llibru-CD ‘Aire, fuego y deseo’, de Juan Carlos García Hoyuelos, nel que tán presentes toles llingües ibériques. Iniciativa pol Asturianu encargóse de la organización del actu, nel qu'actuó'l cantautor Toli Morilla.

La XDLA, un añu depués de la histórica convocatoria d’Uviéu, torna a convocar una manifiestación baxo’l mesmu lema: ‘L’asturianu llingua oficial ¡agora!’. “Nun ye momentu d’aguantar la respiración, tenemos que reivindicar los derechos llingüísticos y la oficialidá” asegura’l so voceru nacional Carlos Pulgar sobre la cita que va tener llugar en Xixón el 6 d’abril con salida a les 18 hores de L'Humedal.

Participa como convidáu na conferencia mensual d'Ástura nel Atenéu Obreru de Xixón.

El 'Colectivo de Entidades Memorialistas y Republicanas de Xixón' va entamar un homenaxe a Eladio Carreño Valdés, “una figura clave pal federalismu asturianu” que foi’l redautor nel 1883 del ‘Proyecto de Constitución Federal del Estado Asturiano’, recuperáu esti sieglu n'Arxentina. Falamos sobre la so trayeutoria colos historiadores Sergio Sánchez Collantes, Faustino Zapico y Javier Cubero.

El presidente del Gobiernu estatal, Pedro Sánchez, punxo fin a dellos díes de rumores y anunció esti vienres, como s’esperaba, la fecha pa la celebración de les eleiciones anticipaes depués de nun poder sacar alantre los sos presupuestos. Finalmente va ser el 28 d’abril, lo qu’evita un ‘superdomingu’ eleutoral el 26 de mayu.

Entámalu Iniciativa pol Asturianu con motivu del Día Internacional de la Llingua Materna, que se celebra'l 21 de febreru en tol planeta.

Navia, Gozón, Noreña, Siero y Samartín del Rei Aurelio van facer auditoríes del serviciu de suministru municipal, tres un alcuerdu col consorciu, pa conocer el so estáu actual.

“Con ellos falo en galego, porque es mi lengua y es nuestra lengua de comunicación”, señaló Pedro Sanjurjo, presidente de la Xunta Xeneral, nuna entrevista a Radio El Crisol, emisora del IES Cristo del Socorro de Lluanco, fecha por Eduardo Alonso. Nella posicionóse en contra de la oficialidá porque, opina, supón “obligación”.

Esti miércoles, 13 de febreru, celébrase'l Día Mundial de la Radio. L'asturianu malpenes tien presencia na canal pública.

La xunión de los votos de los nacionalistes catalanes a los de Foro, PP, UPN, Ciudadanos,  EH Bildu y Coalición Canaria valtaron nel Congresu los Presupuestos Xenerales del Estáu (PXE). Esta situación llevará al presidente del Gobiernu estatal Pedro Sánchez, como vien anunciando, a la convocatoria d’eleiciones anticipaes.