La votación va entamase'l 9 de marzu.

Un conciertu acústicu, con aforu reducíu, y una entrevista que s’emite per Internet a tol planeta. Eso ye ‘Amosando’, propuesta novedosa pa presentar les novedaes discográfiques asturianes que van estrenar el 16 de marzu L-R y Xaime Martínez.

L’incumplimientu de la llende de los 90 quilómetros per hora n'autovíes que marca’l nivel 1 del protocolu de contaminación nel área central ta siendo importante por parte de los conductores, que serán sancionaos por Tráficu al ser deteutaos nos radares. L’avisu n’Uviéu, Xixón y Avilés va siguir al menos un día más.

Los alcuentros van tener llugar en Villaviciosa y Noreña, de manera respeutiva.

Los Talleres de Llectura n'Asturianu de Villaviciosa, entamaos pol Serviciu de Normalización Llingüística de la 'Comarca de la Sidra', entamen una sesión col escritor Antón García. Ésta va tener llugar el xueves, a les 19 hores nel aula del segundu pisu del Centru Culturar Capistrano, y va centrase nel llibru 'El viaxe', co qu'algamara'l VII Premiu Xosefa Xovellanos de novela, correspondiente al añu 1986.

Asturies, Castilla y Lleón, y Galicia tornaron a amosar una imaxe de xunidá, nesta ocasión en Madrid, en defensa del Corredor Atlánticu. Los trés presidentes participaron nel Fórum Europa y Javier Fernández aseguró que pa una España “xusta y equilibrada” les trés comunidaes autónomes han de tar coneutaes al mesmu.

El descensu de los niveles de partícules nel aire en Xixón y Uviéu y la previsión meteorolóxica escarta que’l protocolu de contaminación, anguaño en nivel 1, pase al 2, el d’alerta, según confirmó Elena Marañón, direutora xeneral de Prevención y Control Ambiental. La Coordinadora Ecoloxista denuncia permisividá coles industries.

Xixón y Uviéu, el domingu, y Avilés, esti llunes, entraron n’avisu por contaminación pola presencia de partícules en suspensión nel aire, una problemática habitual que s’agrava estos díes pola estabilidá atmosférica. Ésta ye la primer vegada que les trés grandes ciudaes del país y la so redolada entren al empar nel nivel 1 del protocolu.

Les xixoneses dominaron la fase final y vencieron nel partíu decisivu énte'l Cerdanyola por un contundente 7-3.

Va celebrase'l día 15 en Tiñana.

El discu de L-R yá ye una realidá y el dúu formáu por Leticia Baselgas y Rubén Bada preparen la so presentación en conciertu con un formatu especial. Va ser con una espicha, nel Llagar de Quelo, y nella, amás de la propia actuación, el deséu de los dos músicos ye facer partícipe a los presentes convirtiendo la cita nuna folixa col baille como protagonista.

El Conseyu Regulador de la Denominación d’Orixe Protexida (DOP) ‘Sidra de Asturias’ camuda la imaxe de les contraetiquetes, con un diseñu más modernu. Éstes dexen de visibilizar el mapa d’Europa pa centrase namái nel d’Asturies y cuenta con una banda metálica y tinta invisble que dificulten la so falsificación.