Ta convocada una fuelga a nivel européu. Uviéu va vivir tamién una concentración entamada por Fridays for Future Asturias.

Los estudiantes asturianos nun acudieron güei a les aules en protesta pol cambiu climáticu. Foi la so respuesta a la llamada del movimientu Fridays for Future que comenzó la sueca Greta Thunberg el pasáu agostu dexando de dir a clase los vienres pa reclamar midíes en defensa del mediu ambiente, trescendiendo llendes la so aición hasta llegar a la convocatoria d'una fuelga en toda Europa pa esti 15 de marzu.

José Martínez Álvarez abre nel Trisquel un periodu de gran actividá musical, mentes que les dos bandes que coincidieron nel 'Rock'n'Llingua' axúntense en La Felguera.

Seis son les feches que tien zarraes Ún de Grao pa lo que queda de marzu y abril. El músicu moscón va ufrir la primer d'elles esta nueche, a partir de les 20.30 hores, nel xixonés Café Trisquel, conciertu con entrada llibre nel que los presentes van poder sentir los cantares del so primer LP, 'Pelo segao', xunto a otres pieces.

L’aprobación de la toponimia tradicional d’Uviéu, a falta entovía de la so espublización nel BOPA pa la so entrada en vigor, llevó a l’Academia de la Llingua Asturiana (ALLA) a felicitar al Gobiernu por esti pasu. “Tien un valir especialmente simbólicu” por ser el conceyu “onde s’asitia la capital del Principáu”, destacó.

L’Espaciu Escénicu de Factoría Cultural d’Avilés acueye esti vienres una cita nueva de La Reciella de La Factoría, el ciclu qu’entama la Estaya de la Llingua y ‘Reciella. Families pol Asturianu’. Ana Morán va poner el cuentacuentos ‘Nun quiero ser princesa’.

Iniciativa pol Asturianu denuncia énte'l Conceyu y la Conseyería d'Infraestructures la situación que vive la parroquia sierense.

Los cambios na señalización de La Collá llevaron a esta organización a poner una quexa formal a estes dos alministraciones, la primera como responsable "de tar vixilante y facer cumplir de la llexislación nel so territoriu", y la segunda, de la instalación y mantenimientu de los cartelos. Los qu'había na AS-248, cola toponimia derogada, quitáronlos, mentes los que se dexaron siguen siendo incorreutos.

Tres la so espublización nel BOPA.

La 'Ordenanza Municipal pal Usu de la Llingua Asturiana nel Conceyu de Grau' entró esti miércoles en vigor tres la so ratificación nel Plenu de febreru, celebráu'l día 19, depués d'unes alegaciones al mesmu presentaes pol PP mientres el periodu d'información pública. La mesma tuvo l'apoyu de 12 de los 17 conceyales.

Esta norma xurídica garantiza a la ciudadanía'l poder dirixise a l'alministración llocal n'asturianu. Tamién protexe l'idioma y fomenta'l so usu y promoción dende'l Conceyu.

El Conseyu de Gobiernu dio esti miércoles el preste a los decretos toponímicos d’Uviéu, Onís y Cuaña. D’esta forma, el númberu de conceyos que recuperen la toponimia tradicional asciende yá a 64, con otros cuatro cercanos a completar el procesu.                

Contó col sofitu de 6 de los 8 miebros del conseyu d'alministración del ente.

Francisco González Orejas, direutor de Producción y Esplotación de RTPA, va ocupar de manera interina la direición xeneral de la canal pública. La decisión d'Antonio Virgili de dexar el cargu, por motivos personales, obliga a nomar a un sustitutu que cuenta col sofitu de tolos grupos representaos nel conseyu (PSOE, PP, IX y Foro), cola oposición única de los dos miembros de Podemos, formación que defende l'entamu d'un concursu públicu pa la escoyeta del direutor xeneral.

Pue visitase hasta'l 13 d'abril na Casa la Cultura María Xosefa Canellada.

‘Voces. La llingua n’Asturies al traviés de los sieglos’, la esposición que tuvo más de 5.000 visitantes nos meses que tuvo abierta al públicu nel Muséu Arqueolóxicu d'Asturies con motivu del programa ‘Cuadonga Centenarios’, comienza a xirar per Asturies. La primer parada ye Cabranes, onde va acompañase de talleres y charres, además de visites guiaes que van anunciase próximamente.

Comenzó'l procesu pal segundu ciclu d’Infantil, Primaria, Secundaria y Bachilleratu.

La Conseyería d’Educación y Cultura entama esti sortéu pa resolver empates de puntuación nos centros docentes públicos y privaos concertaos d'estes etapes educatives de cara a la escoyeta de centru pal cursu 2019-2020. Según recueye l’acta, dio como resultáu que se va empezar a mirar les dos primeres lletres del primer apellíu per 'Xs' nel orden alfabéticu contrariu, esto ye, de la Z a l'A.