Argüelles, Vallina y Conde preséntense pa liderar la llista d'IX a la Xunta

|
Logu Izquierda Xunida

La votación va entamase'l 9 de marzu.

Trés candidatures lideraes por Ramón Argüelles, Ángela Vallina y Carmen Conde preséntense a les primaries d'Izquierda Xunida (IX) pa escoyer les llistes de la formación a les eleiciones Nacionales del 26 de mayu –a les que va dir en coalición con Izquierda Asturiana (IAS)– depués de que nun se llegara a un alcuerdu pa ellaborar una de consensu. El coordinador xeneral acompáñase de Beatriz González Prieto, el diputáu Jaime Gareth Flórez, Gabriela Álvarez García y Plácido Rodríguez Fernández en 'Sumar por la Izquierda', mentes que la eurodiputada failo de los parllamentarios Ovidio Zapico y María Josefa Miranda Fernández, Maximino García y Elsa Valle en 'Más Izquierda Unida'.

Pela so parte Conde, conceyala d'Avilés, presenta una llista na qu'apaecen Raúl Gayo, María Cristina Tuya, Éder Fonseca y Ana Purificación Solís en 'Ye Agora, l'Asturies que queremos/Es ahora, la Asturias que queremos'. Nes anteriores eleiciones foi Gaspar Llamazares la persona que lideró la candidatura d'IX a la Xunta Xeneral, con una representación de cinco escaños.

Propuesta pa les Estatales

El que va ser candidatu d'Actúa, partíu de creación reciente, nes Estatales del 28 d'abril, ta acabante de proponer una coalición con IX de cara a les Xenerales, una posibilidá que paez que nun gana adeptos na formación. Nes anteriores participó xunto con Podemos na candidatura Xuníos Podemos.

Contador Estadistiques