'La llingua asturiana nel Franquismu' ye'l títulu de la intervención basada na so tesis doctoral.

El Conseyu de Gobiernu aprobó un paquete de diez midíes estraordinaries p’amenorgar los efeutos económicos y sociales por cuenta la pandemia de COVID-19, ente les que se plantega una ayuda d’hasta 400 euros accesible pa 12.000 autónomos. En total l’Executivu va movilizar un mínimu de 32 millones d’euros.

Nueve artículos y les estayes habituales componen el númberu 122 de ‘Lletres Asturianes’, el Boletín de l’Academia de la Llingua Asturiana (ALLA), primeru en 38 años que nun s’edita en papel, con consulta namái dixital al traviés de les plataformes habituales. D’esta forma la institución adáutase a les tendencies d’anguaño.

Asturies.com participó como convidáu nesti proyeutu audiovisual d'Iniciativa pol Asturianu estrenáu nel II Seminariu 'Oficialidá'.

El Gobiernu estatal algamó l’aprobación del Congresu pa prorrogar l’estáu d’alarma previstu hasta’l domingu por cuenta la pandemia de COVID-19, qu’acumula 56.188 positivos y 4.089 finaos, 841 y 27 n’Asturies, de manera respeutiva. Ésti va allargase polo menos dos selmanes más, hasta’l 12 d’abril, pasada la Selmana Santa.

El siguiente oxetivu queda marcáu nes 750, pa lo que sería necesario vender 8 unidaes más.

L'editorial de la revista qu'edita El Ronchel céntrase nel problema la despoblación.

La falta de material ye ún los grandes problemes que ta atopando’l personal sanitariu nesta llucha contra la COVID-19. Según confirmó’l conseyeru de Salú, Pablo Ignacio Fernández Muñiz, Asturies consume 25.000 mázcares diaries sólo pal SESPA, lo que significa que les 62.000 qu’unvió Gobiernu estatal son enforma insuficiente.

‘Llava les manes, manín’, ‘Nun toques güeyos, ñariz nin boca’ y ‘Agora la meyor maneresa de querese…, ye distanciase’ son dalgunos de los mensaxes de la campaña qu’entama Iniciativa pol Asturianu p'ayudar a reducir los contaxos de coronavirus. Éstos pueden descargase na web y nes redes sociales del coleutivu.

Depués d’espublizar la torna de ‘Drácula’ de Bram Stoker con Laria, Pablo Suárez García yá tien termináu’l que va ser el siguiente títulu de la coleición ‘Clásicos n’asturianu’. Trátase de ‘La semeya de Dorian Gray’ d’Oscar Wilde, que se va sumar a la llista de trabayos de dellos autores que ta permitiendo la creación de “una llibrería de traducciones importante, con grandes obres” al nuesu idioma.