La obra va llevar el títulu de 'Durruti. El mundu nuevu nos nuesos corazones'.

Asturies rexistró esti martes per primer vegada dende l’entamu del andanciu de COVID-19 un descensu de casos activos, asitiándose en 1.309 persones. Esti datu positivu súmase a la mengua de positivos nuevos estos díes últimos, que confirma la baxada de la curva.

El Conseyu de Gobiernu dio esti miércoles el preste a una partida de 4 millones d'euros p'ayudes direutes pa cumplir con una de les diez midíes estraordinaries p’amenorgar los efeutos económicos y sociales por cuenta la pandemia de COVID-19 aprobaes el 26 de marzu. Estes subvenciones individuales son de 400 euros.

Hasta al menos el día 29 nun van retomase les conexones con Madrid y Barcelona, les úniques esistentes nes selmanes últimes.

L'Aeropuertu d'Asturies queda ensin vuelos regulares. El de mañana y el del domingu a la capital del Estáu van ser los últimos mientres dure la segunda prórroga del estáu d'alarma que s'aprobará mañana nel Congresu, operando estes dos selmanes próximes namái baxo demanda.

Trátase d'una traducción y dos noveles, una destinada a que'l profesoráu de Secundaria y el so alumnáu puedan trabayar mientres estos díes de tar en casa pola COVID-19.

Pendiente entovía de la so aprobación el xueves nel Congresu, una segunda prórroga allargará l’estáu d’alarma pol coronavirus hasta’l 26. El Ministeriu de Sanidá yá trabaya xunto coles autonomíes “pa dir planificando la desescalada” de la reclusión dende esi día “si too va bien”, confirmó’l conseyeru Pablo Ignacio Fernández Muñiz.

Dende'l 11 de marzu –l’estáu d’alarma actual decretóse’l 14– y hasta primer hora de la tarde del llunes la Conseyería d’Industria, Emplegu y Promoción Económica recibió 9.975 pidimientos de d’espedientes de regulación temporal d’emplegu. D'ellos tramitáronse 4.550 qu'afeuten a 16.564 persones, informó'l martes.

Los cuasi 40 díes pasaos dende que se rexistrara’l primer positivu por COVID-19 n’Asturies tán amosando un cambiu nel Executivu tres llegada d’Adrián Barbón a la presidencia. El Gobiernu paez que ta marcando un perfil propiu na crisis sanitaria, como se pue ver coles decisiones tomaes sobre la non paralización de la industria o los posicionamientos del llavianés sobre l'andanciu.

Munchos usuarios participen en #andanciulliterariu con creaciones con temática sobre la cuarentena.

El sábadu echó a andar esti concursu qu'entama Iniciativa pol Asturianu, con plazu pa espublizar los testos hasta que fine esti domingu. Con esta propuesta la organización pretende "siguir creando lliteratura n’asturianu nestos momentos de tar en casa pol andanciu del coronavirus".

El gaiteru Bras Rodrigo tien previsto a asoleyar a últimos d’abril, si la pandemia de COVID-19 nun lo retrasa a mayu, el so discu nuevu ‘Remanecer’, onde busca “los oríxenes del celtismu”. El de Perlora fálanos nun videu p’Asturies.com d'esti álbum y de la so gaita led.