“Ta abriéndose un escenariu que pide plataformes d’enseñu virtual del asturianu conxuntes y grandes programes”, apunta Suari

|
Carlos Suari

El númberu 122 de ‘Lletres Asturianes’, espublizáu recién, recueye l’artículu ‘L’enseñu virtual de la llingua asturiana (1996-2019): averamientu etnográficu, estudiu evaluativu y propuestes de futuru’. El so autor Carlos Suari fai una esplicación p’Asturies.com de dichu trabayu sobre les plataformes d’enseñu virtual del asturianu.

"La llingua asturiana ameritaba bien el tener un estudiu d'esti tipu, que garrare esos 25 años d'esperiencies series en progresu alredor de lo que ye esti idioma y de la so presencia n'Internet", esplica nun primer momentu'l doctorando n'Atropoxía de la Universitat Rovira y Virgili con formación nel ámbitu del enseñu virtual, que "en cuenta de facer unes conclusiones prototípiques, canóniques, lo que faigo ye formular unes propuestes de futuru”, rellata nun videu nel que detalla l’estudiu.

“Ta abriéndose un escenariu que pide plataformes d’enseñu virtual del asturianu conxuntes y grandes programes con una estabilidá probada”, apunta darréu al tiempu que destaca qu'hai xente que requier que “les instituciones referenciales –Academia, Universidá, Gobiernu…– puedan algamar un marcu collaborativu au surda una plataforma institucional que pueda conducir a titulación o polo menos autoformación pa depués llegar a los esámenes llibres oficiales”.

Contador Estadistiques