Trabe llibera trés llibros del so catálogu

|
Cubierta 'Güelu Ismail' d'Esther Prieto

Trátase d'una traducción y dos noveles, una destinada a que'l profesoráu de Secundaria y el so alumnáu puedan trabayar mientres estos díes de tar en casa pola COVID-19.

La primera obra qu'Ediciones Trabe lliberó nesti estáu d'alarma por cuenta la pandemia, "pa qu’estos díes nun sían una aburrición", foi 'La vuelta al Mundo n'ochenta días' de Jules Verne, tornada al asturianu por Xesús González Rato, ufriéndola nes sos redes sociales tanto en formatu pdf como ePub pa llibros electrónicos. Darréu fixo lo propio cola novela 'Güelu Ismail', d'Esther Prieto, XXII Premiu Xosefa Xovellanos, correspondiente al añu 2001, ex aequo con 'L’arna de San Atanás' de Pablo Rodríguez Medina.

Pa los escolinos de Secundaria y los sos maestros, cola fin de "que forme parte del material de trabayu nestos díes bien poco candiales y de confinamientu", ofrez 'Khaos', de Dolfo Camilo Díaz, al que Trabe agradez-y "l'arrogancia'. Nesti casu namái ta disponible en pdf.

Contador Estadistiques