Un concursu lliterariu en Twitter anima les redes

|
Puestín Iniciativa pol Asturianu en Bimenes

Munchos usuarios participen en #andanciulliterariu con creaciones con temática sobre la cuarentena.

El sábadu echó a andar esti concursu qu'entama Iniciativa pol Asturianu, con plazu pa espublizar los testos hasta que fine esti domingu. Con esta propuesta la organización pretende "siguir creando lliteratura n’asturianu nestos momentos de tar en casa pol andanciu del coronavirus".

La temática ye sobre l’andanciu y les consecuencies de vivir aisllaos nes cases pola situación que vivimos anguaño y los participantes han de xubir na so cuenta en Twitter les sos creaciones en prosa o versu, yá sía n'asturianu como en gallego-asturiano, nun únicu tweet incluyendo la etiqueta #andanciulliterariu. Los trés meyores testos n'opinión del xuráu, compuestu por miembros d’Iniciativa pol Asturianu, van llevar premiu, consistente nun llote de llibros.

Esti coleutivu "anima a la sociedá asturiana a participar na convocatoria p’amosar la estima y l’apegu al idioma y da-y una mayor presencia a la llingua asturiana nes redes sociales nestos momentos y xenerar un ambiente positivu y de distracción nestos momentos". El fallu de #andanciulliterariu va dase a conocer el miércoles 15 d'abril al meudía.

Contador Estadistiques