Con una tasa de 99,7 PCR por cada 1.000 habitantes, Asturies ye la segunda comunidá autónoma que más pruebes d’esti calter –la más fiable y la única que se contabiliza– fai depués de La Rioja, siendo la media estatal de 59,9. El país entró esti llunes a la fase 3 del procesu de desescalada, na que va siguir hasta’l día 21 por prudencia.

La Xunta Asesora de Toponimia va revisar el pidimientu del Conceyu de Valdés de modificar la so toponimia oficial pa qu'ésta sía billingüe, cola intención de recuperar la totalidá de topónimos castellanizaos derogaos nel 2014. “La petición axústase a derechu”, confirma la Direición Xeneral de Política Llingüística.

Adrián Barbón aseguró que “l’Estáu autonómicu sal reforzáu, y particularmente la sanidá asturiana sal reforzada, d’esti procesu”. El presidente, que dixo tar “arguyosu de la respuesta asturiana a la crisis sanitaria”, anunció la constitución d’una Comisión Delegada del Gobiernu pa la Reconstrucción y Asuntos Económicos.

Esta mañana Adrián Barbón usó l'asturianu nuna de les sos respuestes na rueda de prensa sobre les novedaes rellacionaes cola COVID-19 y el pasu'l llunes a la fase 3.

L’aire fixo cayer esti xueves l’horru d’El Pedrosu, asitiáu na parte alta de Vis, pueblu d’Amieva. Los vecinos, que veníen denunciando dende hai años el so mal estáu y pidíen la intervención de les alministraciones pa protexelu, consiguieron salvar les pintures que presentaba del tiempu de la guerra contra los franceses.

La cifra de contaxos queda en 2.424.

El Ministeriu de Sanidá confirmó qu’Asturies va pasar esti llunes a la fase 3 de la desescalada, la última enantes de la ‘normalidá nueva’ hasta l’afayu d’una vacuna o una tratamientu eficaz contra la COVID-19. Adrián Barbón va garrar la xestión del estáu d’alarma nesti estadiu, nel que nun va haber movilidá ente autonomíes.

Namái Ceuta, Huelva y Illes Balears presenten una menor incidencia de la COVID-19 qu’Asturies según los datos del segundu informe del Estudiu de Seroprevalencia entamáu pol Ministeriu de Sanidá. El mesmu reflexa que namái un 1,6 por cientu de los asturianos pasaron la enfermedá, cuando la media estatal ye del 5,21.

Hai que llamentar una muerte esi miércoles.

Per tercer día siguíu Asturies nun rexistró nengún positivu nuevu por PCR, polo que'l total sigue en 2.425. Na xornada procesáronse 771 muestres pa la determinación de la COVID-19.

La nota negativa foi la muerte d'una persona depués de que'l martes nun se rexistrara nenguna. El total de finaos dende que comenzó l'andanciu queda en 322.

Na UCI siguen 9 pacientes, mentes qu'en planta hai 26, 3 menos que'l día anterior. El númberu de curaciones asciende a 1.752 tres les 11 d'ayeri.

L’estáu d’alarma va siguir hasta’l 21 de xunu tres dar el preste’l Congresu a la sesta prórroga pidida pol Gobiernu, que será la última. Esi día los territorios que cumplan les condiciones llegarán a la ‘normalidá nueva’, que va regulase por un Real Decretu-llei que’l Conseyu de Ministros va aprobar el martes.