Selmana de les Lletres Asturianes

Nun llevar mázcara na 'normalidá nueva' va suponer una multa d'hasta 100 euros

|
Salvador Illa aprobación Real Decretu-llei normalidá nueva

La fase que comenzará'l 21 de xunu va tar vixente hasta'l desarrollu d'una vacuna o la esistencia d'un tratamientu eficaz contra la COVID-19, confirmó'l Gobiernu estatal.

El Conseyu de Ministros d'esta mañana aprobó'l Real Decretu-llei que va servir de base pa regular la 'normalidá nueva'. Nesta etapa va siguir siendo obligatoriu l'usu de la mázcara en llugares públicos, tanto abiertos como zarraos, siempre que nun se garantice la distancia interpersonal, con multes de 100 euros pa les persones que nun lo cumplan.

Sí se modifica lo que se considera distancia interpersonal, que va ser de 1,5 metros en llugar de los 2 metros actuales. La normativa aprobada güei tamién afita midíes pa los centros de trabayu, pa les residencies, en materia de medicamentos y productos sanitarios, y pal tresporte públicu.

Na semeya, el ministru de Sanidá, Salvador Illa, na so intervención tres el Conseyu de Ministros.

Contador Estadistiques