Na xornada rexistráronse 127 contaxos y un total de 15 persones perdieron la vida.

L’Asociación d’Escritores d’Asturies (AEA) ta acabante de dar a conocer les dos obres que lleven los XX Premios de la Crítica na so estaya de llingua asturiana. En poesía’l meyor llibru del 2019 ye ‘Esti llugar qu’agora ye nuesu. Poemariu neanderthal’, d’Aida Escudero, y en narrativa ‘En primera persona’, de José Ángel Gayol.

El Gobiernu decidió esti vienres les midíes que va imponer estes Navidaes, feches nel que país va siguir zarráu, pa tratar de torgar l’espardimientu del coronavirus SARS-CoV-2. Finalmente’l tope de persones en Nuechebona, Navidá, Nuechevieya, Añu Nuevu y Reis va ser de 10 persones pertenecientes a 2 grupos de convivencia.

La institución académica desea salú pa estes Navidaes n'asturianu y gallego-asturiano.

'Un nuevu añu, una oportunidá pa la llingua nel 2021'/'Un novo ano, úa oportunidá prá llingua en 2021' ye la felicitación asoleyada pola Academia de la Llingua Asturiana (ALLA) estes fiestes navidiegues. El testu vien acompañáu por una imaxe d'una flor na nieve autoría de Carlos Salvo.

Xunto cola tarxeta, en formatu GIF en dambes llingües en redes sociales, un deséu de "salú nestes Navidaes".

Hebo que llamentar 17 muertes, 9 homes y 8 muyeres, esti miércoles cola enfermedá causada pol coronavirus SARS-CoV-2.

Con una tercer fola de COVID-19 “que paez que será inevitable que llegue nel mes de xineru”, el presidente Adrián Barbón llamó a la responsabilidá a les asturianes y asturianos pa evitar la mortalidá alta sufrida na segunda. L’ameyoramientu de los datos llevó al Gobiernu a permitir la reapertura de la hostelería’l llunes con restricciones y, dende esti xueves, l’actividá cultural presencial.

‘Folklore’, revista británica fundada nel 1878 como 'Folk-Lore Record', dedica esti avientu la so portada a Asturies. Cristobo de Milio Carrín, investigador de la Fundación Belenos, espubliza nesti númberu un artículu sobre la mitoloxía y les creyencies populares del noroeste ibéricu, centráu sobre manera nel nuesu país.

“Queremos facer un llamáu a un trabayu colectivu y con consensu pa llograr la igualdá de drechos de la ciudadanía falen la llingua que falen”, apunta Iniciativa pol Asturianu. La entidá recuerda que “l’únicu mecanismu llegal pa garantizar la llibertá ye la oficialidá de la llingua asturiana”, como marca la Constitución nel artículu 3.2.

En trés selmanes pasó de 508 a 194.

Asturies rexistró 1.355 contaxos la selmana pasada. El domingu 29 de payares el país contaba con 23.336 casos de COVID-19 confirmaos por PCR y ésti pasáu la cantidá ascendía a 24.691.

Supón una media nesos 7 de díes de 194 positivos diarios, cuando nos anteriores yera de 252. D'esta forma confírmase la baxada de la curva nesta segunda fola de la pandemia depués d'algamar un picu de 508 na selmana del 9 al 15 de payares.

Una proposición non de llei presentada esti xueves por diez formaciones polítiques nel Congresu busca encamentar al Gobiernu estatal a, ente otres cuestiones, “impulsar y apoyar reformes estatutaries pa la oficialidá de les llingües propies qu’entovía nun son oficiales nuna parte o la totalidá del territoriu onde se falen”. La Plataforma Igualdá Llingüística ta tres esta propuesta.