Sigue la tendencia descendente de la pandemia nel país, con 226 positivos nos trés díes últimos y cola tasa de positividá perbaxo del 5 por cientu que marca la OMS.

“Fai un ramín, güelín, / failu con seis llacinos, / pa güelina y pa ti / y pa tolos neñinos”. Asina entama ‘El ramín de Nadal’, villancicu nuevu al rodiu d’esta tradición asturiana de Navidá compuestu por Noelia Suárez Veira y Víctor Raúl Pintado ‘Vitu’, estrenáu a la guitarra pola maestra frente a L’Anguleru y Lolina la Rulera nel llar del pescador.

Depués de dos décades, Avientu asoleya cantar nuevu, ‘Camín de llibertá’, que vien acompañáu d’un videoclip. “La idea ye dir seliquín, y si xuntamos 8 o 10 temes igual nos animamos a sacar discu”, apunta’l baxista Chuchi Vázquez, qu’adelanta que la histórica banda de Riosa yá cuenta con cuatro temes compuestos.

El Sporting va tener que desplazase a Euskadi pa xugar col Amorebieta, líder del so subgrupu de Segunda B. Llanera y CD Lealtad quedaron eliminaos pol Celta y l'Alcorcón.

La Conseyería de Salú camuda la forma de comunicar los datos oficiales de la COVID-19.

Los Presupuestos Xenerales del Estáu destinen perres per primer vegada a la institución, un total de 40.000 euros.

Asturies va contar con Presupuestos esti 2021. La Federación Socialista Asturiana (FSA), que yá algamara un alcuerdu con Asturies pela Izquierda (IX-IAS), robló esti xueves con Foro’l so apoyu a les cuentes tres l’aceptación de delles de les sos propuestes y por “responsabilidá” depués de “escuchar les necesidaes de la sociedá asturiana”, aseguró'l secretariu xeneral forista Adrián Pumares.

Finaron 10 persones con COVID-19 el miércoles, de los que 4 vivíen en residencies.

A falta de conocer los datos oficiales de la COVID-19, que nun se comuniquen dende'l vienres, la Conseyería de Salú informó de la detección ayeri de 91 casos nuevos de COVID-19. Son 26 contaxos menos que'l martes.

Na xornada fixéronse 3.322 pruebes de diagnósticu d'infeición activa, polo que la tasa de positividá asitióse nel 3,64 por cientu. Tamién baxa con respeuto al día anterior, cuando se rexistró un 3,93 por cientu.

La organización felicita a la institución académica pol so cuarentenu aniversariu.

Enar Areces, creadora de Puru Remangu, recibió de la Xunta pola Defensa de la Llingua Asturiana (XDLA) el Pegollu del XXXVI Premiu Andrés Solar, que nun va contar con gala pola COVID-19 nin Madreñazu al ser “testimoniales” les posiciones en contra del asturianu. Esta marca comprometida usa l’idioma nos sos diseños.