L’agora diputáu por Foro nel Congresu, Isidro Martínez Oblanca, siempre s’amosó como un defensor de la oficialidá dientro del PP, partíu nel que militó hasta’l 2011, llegando a ocupar cargu de senador. Del 2001 al 2015 foi patrón y fundador de la Fundación Caveda y Nava, una organización que se creó pa buscar el consensu pola oficialidá.

Trés plumes de la cuenca d’El Nalón, trés nomes bien conocíos, llevaron los primeros premios del XXIV Concursu de Cuentos pola Oficialidá del Asturianu qu’entama’l Conceyu de Bimenes. El ganador, per sesta vegada, foi Pablo Rodríguez Medina por ‘En brazos de naide’.

El movimientu feminista asturianu tornó a sacar músculu esti 25 de payares, Día Internacional de Desaniciu de la Violencia contra la Muyer, con una importante asistencia na manifestación d’Uviéu col lema 'Poles nueses vides. Xuntes y a la ofensiva' magar l'agua y el fríu. “Les muyeres nun vamos dar un pasu atrás nes nueses reivindicaciones pa desaniciar estes violencies que sufrimos”, anunciaron.

L’Estáu podrá entamar a vacunar a les neñes y neños d’ente 5 y 11 años depués de que l’Axencia Europea de Medicamentos (EMA, poles sos sigles n’inglés) diera’l preste a la vacuna 'Comirnaty', desendolcada por Pfizer/BioNTech. N’avientu los campos de fútbol van siguir con aforos al 100 por cientu magar l’aumentu de casos de COVID-19, que yá raspien los 200 diarios n’Asturies.

Asturies vive un Día Internacional de Desaniciu de la Violencia contra la Muyer con actos en tol país y una manifestación n'Uviéu.

El Congresu aprueba con 188 votos a favor les cuentes, lo que-y permitirá al presidente Pedro Sánchez escosar la llexislatura.

Los finaos Xosé Bolado y José Herrero van recibir tamién una mención especial de l'Asociación d'Escritores d'Asturies.

El presidente Adrián Barbón participó esti miércoles nel conceyu cántabru d'Hermandad de Campoo de Suso nel pieslle del panel ciudadanu interautonómicu ‘Disparidades territoriales y demográficas en la Unión Europea: los retos de las regiones de montaña’. “Nin Cantabria nin Asturies son un parque temáticu. Nun lo somos”, recordó’l socialista.

“Son munchos los puestos de trabayu que xeneraría una industria dedicada a esos menesteres”, asegura la Xunta pola Defensa de la Llingua Asturiana (XDLA), que recuerda la importancia que tendría’l sector audiovisual “pa la normalización y normativización” del asturianu. D’igual forma denuncia la perda de fondos cola Llei Audiovisual nueva pola falta d’oficialidá del idioma.

El martes rexistráronse 111 casos nuevos de COVID-19, xornada na que nun hebo finaos.

L'importante aumentu de contaxos que se ta viviendo dende la selmana última ta provocando que medre la presión hospitalaria. Asina, el xueves pasáu había 36 persones ingresaes, 29 en planta y 7 na UCI, cifra qu'ayeri taba en 74, 64 y 10, de manera respeutiva.

Namái en comparanza colos datos del llunes, son 19 más. Había 55 hospitalizaos, de los que 8 alcontrábense en cuidaos intensivos y 47 en planta.