El númberu de positivos torna a superar el centenar esti llunes

|
Vacunación muyer segunda dosis nel Palaciu a menores de 65 años con Janssen

Comunicáronse 105, la cantidá más alta dende'l 13 d'agostu, cuando se rexistraron 136.

Los contaxos tornen a superar la barrera de los 100 depués de que'l xueves s'algamara la cifra de 103. Nun aparen de medrar los casos nuevos de COVID-19 y les autoridaes yá valoren retomar restricciones pa evitar un aumentu de la presión hospitalaria, de momento entá en niveles baxos.

La Conseyería de Salú informó de 105 positivos, polos 65 del domingu. La media diaria la selmana pasada foi 70.

Mentes, la positividá a 7 díes el domingu taba en 3,48 y ayeri hebo que llamentar la muerte d'un home de 90 años, la 2.088 del andanciu. Tán hospitalizaes 55 persones, 2 menos que'l día anterior: 47 en planta y 8 en planta, 1 menos en dambos casos.

Na semeya, vacunación a una muyer, que recibiera'l preparáu de Janssen nun primer momentu, de la segunda dosis nel xixonés Palaciu de Deportes.

Contador Estadistiques