Medren les hospitalizaciones: de 36 a 74 en cinco díes

|
HUCA

El martes rexistráronse 111 casos nuevos de COVID-19, xornada na que nun hebo finaos.

L'importante aumentu de contaxos que se ta viviendo dende la selmana última ta provocando que medre la presión hospitalaria. Asina, el xueves pasáu había 36 persones ingresaes, 29 en planta y 7 na UCI, cifra qu'ayeri taba en 74, 64 y 10, de manera respeutiva.

Namái en comparanza colos datos del llunes, son 19 más. Había 55 hospitalizaos, de los que 8 alcontrábense en cuidaos intensivos y 47 en planta.

La Conseyería de Salú comunicó la detección ayeri de 111 positivos, superando los 103 del día anterior, récor dende'l 13 d'agostu, cuando se rexistraron 136. La nota positiva ye l'ausencia de muertos cola enfermedá causada pol coronavirus SARS-CoV-2.

11 biltos activos

Na selmana del 15 al 21 de payares comunicáronse 5 biltos, polo que nesi momentu había 11 focos activos con un total de 65 casos.

Contador Estadistiques