Iniciativa pol Asturianu recordó al entamu de la campaña p’animar a la matriculación na materia de Llingua Asturiana y d’Eonaviego de la necesidá de qu’ésta llegara a tiempu a los centros educativos pa que fora efeutiva. Un mes depués, col cursu finando, nun aportó a les escueles, según confirmaron docentes a la organización.

El PSOE empeora'l resultáu de Susana Díaz nel 2018, cuando rexistró'l númberu de votos más baxu de los socialistes n'Andalucía.

Yá s’avera’l 5 de xunetu, la fecha na que’l Conceyu de Bimenes declaró per primer vegada nel 1997 la oficialidá de la llingua asturiana, que se vien conmemorando dende entós con una folixa. L’ayuntamientu yerbatu yá tien preparada esta edición especial de la Fiesta de la Oficialidá polos 25 años, na que va lleer el pregón la conseyera Berta Piñán.

El presidente Adrián Barbón ta en Madrid entrevistándose con dellos ministros pa conocer les razones de la baxa execución presupuestaria y l’estáu de diferentes proyeutos estratéxicos pal país. Nesta primer xornada visitó a Luis Planas, Reyes Maroto, Teresa Ribera y Félix Bolaños, dexando pal segundu día a Raquel Sánchez, cola que va tratar les cuestiones d'especial relevancia.

El domingu concéntrese la mayor parte d'actividaes sobre títulos n'asturianu.

Entámala la Peña Milwaukee de Carbayín Altu na plazoleta, onde tamién va haber música.

Alicia Álvarez va actuar acompañada por David Varela na plaza del Emigrante de Santolaya.

La Comisión Especializada de Toponimia Xeográfica, constituyida pa siguir col procesu de recuperación de los topónimos tradicionales una vegada que se ta completando'l de los llugares, afitó’l mou de trabayu nel so primer aconceyamientu, que sirvió de presentación de los 11 miembros. La oficialización de los nomes de montes o ríos va necesitar adaptaciones llegales al nun tar contempláu nel decretu actual.

La Coordinadora Ecoloxista d'Asturies denunció la situación a la Confederación Hidrográfica del Cantábricu y al Gobiernu pa que lo investiguen.

El certame yá tien feches confirmaes depués de dos años celebrando l'alternativa, el DesconFIGnamientu Festival.