El poemariu d’Aníbal González Rodríguez ganador del Premiu Asturies Moza de poesía del 2021, ‘Anatomía d’un fargagón’, yá ta disponible pa la so llectura. Esti miércoles presentóse’l llibru d'esti autor nuevu, editáu por Trabe, xunto con ‘Muerdo’ y ‘Tiempos de penuria’, obres gallardonaes en narrativa y en testos teatrales, de manera respeutiva.

La nomada 'esceición ibérica' va entrar a valir el día 14 y va tener efeutu'l día siguiente.

Va falar colos presentes de la so novela 'La hestoria ensin contar', que se desendolca nel imaxinariu Burgundu de la posguerra.

Delles wikipedies ibériques, ente elles l’asturiana, entamen dende’l sábadu y hasta’l día 25 una ‘Editatón Díes Internacionales’ multillingüe. L’oxetivu ye ameyorar la información sobre estes xornaes promovíes por Naciones Xuníes centraes en diferentes causes qu’ofrecen la versión de Wikipedia n’asturianu, español, portugués, catalán, eusquera y gallegu.

El Conseyu Regulador de la Denominación d'Orixe Protexida (DOP) Sidra d’Asturies presentó la campaña billingüe ‘Xirar enantes d’echar’ de cara al branu pa promover el consumu de los productos ellaboraos baxo esta garantía. Ésta va tar presente en televisión, radio, prensa, Internet y redes sociales, y publicidá estática en dellos soportes.

Uviéu vive la tradicional cita festiva.

La Sociedad Protectora de La Balesquida repartió 3.800 bollos preñaos nel primer Martes de Campu que se celebra con normalidá depués de dos años afeutaos pola pandemia de COVID-19. Los socios recibieron esti alimentu y el vinu y axuntáronse n'El Campo San Francisco pa festexar, anque otros parques de la ciudá tamién acoyeron a ciudadanos con ganes d'aprovechar el bon día.

Foi'l primeru que resultó escoyíu democráticamente na Universidá d'Uviéu.

El tracamundiu na redaición de la convocatoria del Ministeriu de Cultura y Deporte pa la subvención a la traducción d'obres ente llingües del Estáu va correxise. Asina lo confirmaron a Política Llingüística dende’l propiu ministeriu, polo que l’asturianu va tar incluyíu ente los idiomes que se pueden beneficiar d'una llinia d'ayuda de 200.000 euros.

El domingu celebróse nel Teatru Xovellanos el conciertu final d’esti cursu de la iniciativa Cantar Presta Muncho qu’entama la Oficina de Normalización Llingüística de Xixón colos colexos del conceyu. Un total de 244 neñes y neños d’ocho centros educativos participaron nesta gala siguida por munchu públicu nes butaques.

La escritora, que fixo'l discursu n'asturianu, recibió en Madrid esti títulu honoríficu del mexicanu Claustro Doctoral Honoris Causa.