Seis llagares y cinco productores caseros, na III Xornada de la Sidra

Entámala la Peña Milwaukee de Carbayín Altu na plazoleta, onde tamién va haber música.

El domingu al meudía va arrancar la III Xornada de la Sidra, onde van tar presentes seis llagares: Sidra Fanjul, Sidra Riestra, Llagar Alonso, Sidra Contrueces, Sidra Muñiz y Sidra Vallina. Amás van llevar el so productu caseru Pachín, Iván de L'Acebal, Jose Alberto Silva, Toño'l Maestru y Veli'l de Llamuñu (Floristería Arco Iris).

Les persones que s'averen a la barriada El Cotayu que merquen el vasu conmemorativu, con un preciu simbólicu, van poder prebar tola sidra que quieran. Les Pandereteres de Fitoria y una pareya de tambor y gaita van poner la nota musical hasta les 15 hores, cuando ta previsto'l final de la xornada sidrera.