75.000 muertos, balance de víctimes del terremotu

 La Direición de la Proteición Civil (DCP) estimó en 75.000 el númberu de víctimes mortales del terremotu del pasáu 12 de xineru, según informaron esti miércoles los medios de comunicación llocales.

L'anterior balance, fechu públicu'l pasáu domingu pol secretariu d'Estáu pa l'Alfabetización, Carol Joseph, yera de 70.000 muertos.
 
El seismu afectó a los 20 conceyos del departamentu d'oeste y a los diez del departamentu del Sureste. De momentu, según informó anueche esti organismu dependiente del Ministeriu del Interior, rexistráronse 75.000 muertos, 250.000 firíos y más d'un milllón de persones sin residencia.
  
Nel departamentu de sureste, la ciudá más afectada foi la so capital, Jacmel, mientres que nel departamentu d'oeste, el seísmu arrasó seis ciudadaes, Carrefour, Grand-Goave, Gressier, Léogane, Petit-Goave y la capital del país, Puertu Príncipe, onde la metá de los edificios quedaron destruyíos.
  
Al respeuto, los habitantes de Léogane llamentaron que los llabores de salvamentu tean centrándose en Puertu Príncipe en perxuiciu d'otres poblaciones asitiaes a unos pocos kilómetros de la capital. "Ye como si Haití se llendare a Puertu Príncipe", declaró un vecín a l'axencia de noticies llocal Haití Press Network. Leogane quedó destruyida nun 90 por cientu y hai preocupación por qu'haya ente 20.000 y 30.000 muertos, pese a que malpenes-yos lleguen servicios de rescate, recursos o atención mélica y dependen dafechu "de la solidaridá" de los sos propios habitantes.