El Colexu de Farmacéuticos de Barcelona (COFB) ellaboró una aplicación web que permitirá a los profesores entender los dolores de los sos alumnos en 18 idiomes diferentes, nun intentu por facilitar ferramientes comunicatives ente los docentes y los recién llegaos.

L'aplicación permite tornar diferentes sensaciones de malestar, mediante un 'click' nun dibuxo que representa'l cuerpu humanu de la zona macada, informó'l COFB nun comunicáu.
  
'El xarabe de los idiomes' ta accesible dende la páxina web del colexu, y ofrez la respuesta nos dos idiomes seleccionaos, d'ente los siguientes: alemán, inglés, árabe, eusquera, búlgaru, castellán, catalán, francés, gallegu, italianu, polacu, portugués, rumanu, rusu, tagalu, ucraniu, urdú, wólof y chinu.