La ministra de Cultura almitió que na polémica sobre'l canon que los centros d'estética deben pagar por ofrecer música a los sos clientes hai que distinguir casos particulares, que se deben "analizar detalladamente" porque "dalgunos tendrán razón, y otros non".

"Otra cosa ye poner en cuestión que somos dueños de les nueses idees", distinguió la ministra, pa la que respetar el drechu d'autor ye "fundamental", porque nun puen esplotase les idees ayenes sin la conocencia del creador, recordó.

El canon que protexe los derechos de los autores de los cantares que se sienten nos llocales esixe pagar seis euros mensuales en salones pequeños, de menos 50 de metros cuadraos, y de doce euros si nun lleguen a los 100 metros cuadraos.

La clave de la polémica ta na forma d'espardimientu de la música. Si se fai dende un radiocasete o s'escucha la radio, la SGAE entiende que se-y da un usu priváu y nun hai que pagar nengún canon. Pero cuando d'usa dientro del circuitu de filu musical -fórmula mayoritaria nes peluqueríes- la SGAE califícalo de "comunicación pública" y hai que pagar el canon.

Nel momentu actual hai que recapacitar sobre si los modelos de perceición de derechos "siguen valiendo", pidió, porque se trata d'un momentu de tresformación industrial. Recordó que güei aconceyáse la subcomisión de la propiedá intelectual en Madrid y qu'esti tema formará parte del programa de ministros de Cultura nesti semestre nel qu'España exerce la presidencia de la Unión Europea.

En cuanto a les sos rellaciones col conseyeru de Cultura y Medios de Comunicación, Joan Manuel Tresserras, Sinde aseguró que les sos conversaciones son "constantes" y que siempre que falen fáenlo del archivu del fotógrafu Agustí Centelles, como d'otros temes que tienen sobre la mesa conxuntamente ambos departamentos.

Aseguró, sobre l'archivu Centelles, que "s'alcontrarán víes" pa que tolos ciudadanos puean disfrutar d'estes semeyes. Una de les opciones que la ministra apuntó nel so día foi que Cataluña tuviere una copia del archivu Centelles, que se conservará nel Archivu de Salamanca.