Gozón pide que'l conceyu se declare zona catastrófica. Mientres n’Avilés paren la producción na fabrica d’Alcoa y en Xixón derrumbase'l techu del Xulgáu de primer Instancia númberu 2.

La Conseyería d'Educación y Ciencia pon en marcha'l Campus de Branu 2010 con actividaes educatives y lúdiques p'ameyorar l'aprendizaxe del inglés ente’l alumnáu de Primaria y de ESO.

Los campus formativos, dotaos con 303 places, son gratuitos y van celebrase en Colunga ya Ibias (estancies completes), Les Regueras y Uviéu (con torna diaria a la casa). Trátase d'actividaes educatives nes que s'integra la práctica de la llingua inglesa en talleres y actividaes lúdiques y deportives.

La Conseyera de Cultura presentó les obres ganadores del Premiu ‘Asturias Joven’ de Narrativa, Testos Teatrales y Poesía, del que foi ganadora la obra n’asturianu ‘Los dioses de Curtis’.

Un 54,3 por cientu de los procedimientos penales entamaos n'Asturies nel 2009 por supuestos casos de violencia contra la muyer archiváronse antes de l'abertura de xuiciu oral.

El presidente palestín, Mahmud Abbas, aseguró a la comunidá xudía de EEXX  mientres la so visita a Washington que "nunca" va negar a los xudíos el so "derechu" a la tierra d'Israel.

Güei xueves 10, va presentase ‘Mio ma, la pirata’ d’Iris Díaz Trancho y la ilustradora Gloria Caamaño. Col títulu, Suburbia Ediciones inagura la colección infantil ‘Camín de Bre’.

El xulgáu emitió un autu nel que diz qu'aprecia nicios de delitu societariu y falsificación de documentos mercantiles na axudicación de les obres de los minipisos de la Llaboral.

Bodegas Oubanca apostó pol asturianu como dalgo novedoso nel etiquetáu del vinu y refugó la forma billingüe que-y esixó la Conseyería de Mediu Rural pa dar el preste a la iniciativa.

Jesús Montés Estrada dixo que l’asturianu tien que ser oficial, afirmando amás que los pasos que dan en Xixón cola normalización de la llingua tienen importancia n’otros llaos.

El conceyal de Cultura Tradicional y Llingua de Xixón dixo estes pallabres na presentación del material didácticu ganador del cuartu concursu ‘Vas velo, trebeyos pal aula’, oganizáu pola Oficina Municipal de la Llingua

UNA acusó a PSOE ya IU de querer tapar a Venturo XXI. Según Faustino Zapico "ye trise, y sospechoso que'l Gobiernu nun quiera investigar cómo y en qué usen los fondos públicos”.

Unidá Nacionalista Asturiana amosó la so solidaridá colos trabayadores de Venturo XXI y llamenta la “humildación” que-yos ta provocando'l Gobiernu asturianu al negase a investigar cómo una empresa que recibió sovenciones públiques, “cierra dexándolos nel paru ensin que naide de la más mínima esplicación creíble”.