CSI y dellos partíos d’esquierda convoquen pa esti vienres 11 de xunu, a les 19.30 hores nel Parche (Avilés), una concentración contra la reforma llaboral y los retayos sociales.

L’actu ta convocáu pola Corriente Sindical d’Izquierda, Partido Comunista de Asturies-Corvera, Unión Proletaria, Andecha Astur, Partido Comunista de los Pueblos de España, Unidá Nacionalista Asturiana, Fai!, Colectivos de  Jóvenes Comunistas, UNA-Mocedá y Darréu.

L’asamblea de La ReFLEXón denuncia que l’edificiu qu’ocuparon ye un sumideru de suciedá. Del mesmu mou, afirmen que busquen un llugar pa llevar alantre’l so proyeutu.

Fai un añu qu’un xulgáu de Xixón dictaba sentencia sobre’l desaloxu de la nave qu’albergó les instalaciones de la fábrica Flex nel barriu de La Calzada, y que’l 11 de xunetu de 2008, foi ocupada pa convertise nel Centro Social Okupáu y Autoxestináu La ReFLEXón. En dicha sentencia, la xueza encargada del casu ordenaba desaloxar l’edificiu pa devolve-ylo al so llexítimu dueñu, Construcciones Llorente SL.

El direutor de l'Axencia Asturiana de Cooperación presentó'l programa del 'II Alcuentru de Pueblos Indíxenes: Cosmovisión y Resistencia' que se va desarrollar n'Uviéu'l 10 y 11 de xunu. 

Asturies va recibir casi 600.000 euros pa los Picos d’Europa y 10 millones pa la Rede Natura. Amás, la Conferencia sectorial dio'l vistu bonu a la reintroducción del frañagüesos nos Picos.

El Conseyeru de Mediu Ambiente, Ordenación del Territoriu ya Infraestructures, Francisco González Buendía, asistió esta mañana en Madrid a la xunta de la Conferencia Sectorial de Mediu Ambiente, que tuvo presidida pola Ministra de Mediu Ambiente, y Mediu Rural y Marín, Elena Pérez Espinosa.

El ministru d'Asuntos Esteriores francés, Bernard Kouchner, ufrió la collaboración de la XE pa facer llegar a Gaza ayuda humanitaria que supervisaría pa torgar la introducción d'armes.

Kouchner formuló esta propuesta nun momentu en que, tres l'asaltu israelín de la selmana pasada a la flota de cooperantes pro palestinos, que se saldó cola muerte de nueve d'ellos, numberoses voces, algunes del propiu Israel, piden el fin del bloquéu qu'esti país somete a la Faza de Gaza.

El conseyeru de Mediu Rural y Pesca, Aurelio Martín (IU), reconoció güei sentise "preocupáu" ante la "opacidá" de la que fai gala la parte socialista del Executivu.

El Conseyu d'Europa vien de recibir un informe nel que se denuncia l'incumplimientu total de la Carta Europea de les Llingües Rexonales pola Xunta de Castiella y Lleón.

Según recueye güei ‘Diario de León’ y como yá avanzara Nicolas Bartolomé Pérez n’Asturies.com, les asociaciones El Teixu, La Caleya, Furmientu y Facendera pola Llingua, ellaboraron y unviaron un informe a la Secretaría pa la Carta Europea de les Llingües Rexonales, dependiente del Conseyu d'Europa.

La Mesa de la Cámara de la Xunta Xeneral almitió a trámite una proposición non de llei del Grupu popular que pide la "inmediata realmisión" de Pepe El Ferreiro.

Asturies ye la sesta comunidá autónoma con mayor presencia femenina nos Conceyos, con un 37,5%, más de siete puntos perriba de la media estatal, cifrada nun 30,5%.

Areces llamó a la responsabilidá de los grupos parllamentarios p'aprobar los recortes y afirmó que la pretensión ye "ser coherentes y responsables" nel amenorgamientu del déficit.

"Vamos cumplir la obligación de ser parte del Estáu y contribuyir a menguar el déficit públicu. En casu de que nun pudiere facese na Cámara fairálo vía decretu y va ser más lesivo pa los trabayadores, polo que faigo un llamáu a la responsabilidá p'aplicar les midíes d'una manera racional, moderada y equitativa y asina lo vamos trayer a la Cámara llueu", dixo Areces.