El plenu del Parllamentu catalán vien d’almitir a trámite, colos votos favorables de CIU, ERC y ICV-EUiA, una Iniciativa Popular (IP) pa facer un referendu sobre la independencia.

Los promotores disponen agora de seis meses para recoyer les 220.000 firmes necesaries pa que’l Parllamentu convoque un plenu nel que los diputaos votaríen la convocatoria d’un referendu oficial sobre la independencia.

Los ecoloxistes denuncia que quieren abrir dos nueves mines nel Parque Natural de les Fontes del Narcea y del Ibias, “dalgo que paez una opción p’algamar subvenciones a curtiu plazu”.

L'actual Plan Rector d'Usu y Xestión del Parque Natural de les Fontes del Narcea y del Ibias prohíbe l'apertura de les mines, pero propiu Conceyu de Cangas defende un cambeu que permita l’apertura de nueves explotaciones en Carbachu y Xiyón.

Depués de la espublización del testu d’Héctor Xil, Xuristes pol Asturianu diz qu'anque l'asociación apaeza nos agradecimientos, nun comparten les hipótesis del documentu.

El miércoles 9 de xunu, na Sala Conferencies del Centru de Cultura Antiguu Institutu de Xixón, y a les 19,30 hores, entamará una actividá de la Rolda 2010 titulada ‘Fútbol y lliteratura’.

Israel nun va  permitir la llegada a la Faza de Gaza de nengún barcu iranín con ayuda humanitaria pol riesgu de que tamién lleve armes, afirmó un dirixente citáu pol diariu Jerusalem Post.

Ye la respuesta a lo dicho pola Media Lluna Colorada iranina, qu'anunció esti llunes que nos próximos díes fletaría dos buques con ayuda humanitaria y material sanitario p'auxiliar a la población gazací, que dende mediaos del 2007, cuando'l Grupu de Resistencia Islámica (Hamás) se fizo col poder nel territoriu, sufre un duru bloquéu terrestre y marítimu per parte d'Israel.

La conseyera de Cultura y Turismu, Mercedes Álvarez, anunció que la próxima Selmana de les Lletres Asturianes va celebrase en Llangréu y va centrase na figura de Mánfer de la Llera.

El direutor xerente de Recrea, Alejandro Calvo, dixo que son los artistes, promotores y compañíes les que tienen que proponer lo que quieren ofrecer al Teatru de La Llaboral y non viceversa.

La Xunta de Voceros de la Xunta Xeneral del Principáu aprobó nel so aconceyamientu de güei la reducción de les retribuciones de los diputaos.

El próximu vienres 11 de xunu, va presentase en Teatru "Vital Aza" de La Pola (Ḷḷena) el discu ‘Música tradicional en Conciyu Ḷḷena 2. Archivu tradición oral d'Ambás’.

Fai tres años de la presentación del primer trabayu; un discu doble con 46 temes, centrándose más nos repertorios vocales y la tradición de pandereta. Con esti segundu trabayu, tamién doble, apúrrense materiales de gran valor recuperaos de la tradición musical del conceyu nestos últimos tres años.