Un voceru del Ministeriu d'Asuntos Esteriores israelín, Yigal Palmor, criticó al ex-presidente cubanu Fidel Castro por comparae la bandera israelina cola esvástica.

Les pallabres de Castro foron espublizaes nun testu de la delegación de Cuba ante'l Conseyu de Derechos Humanos de la ONU (CDH). "Con estos escandalosos comentarios, Fidel Castro avergoña a los sos antiguos compañeros y los ideales que siempre pretendió defender. El Che Guevara tien que tar revolviéndose na so tumba", afirmó Palmor en declaraciones dende Xerusalén.

Los productores llecheros gallegos son los que perciben los precios más baxos pola so lleche del conxuntu del Estáu, un 13,4 por cientu inferiores a los d'una casería asturiana.

El Principáu activa otra vuelta'l Plan d'Inundaciones(PLANINPA), en situación '0', a la vista del estáu de les cuenques hidrográfiques, y ante les predicciones meteorolóxiques.

Un congresu axuntó en Cangas a investigadores y representantes de los bolos, que solliñaron la necesidá d’entamar midíes pa tresmitir la cultura bolística nes escueles.

Francisco González Buendía afirmó que’l so Departamentu valora en tres millones d'euros los daños provocaos hasta'l momentu poles llenes nes carreteres de titularidá autonómica.

El Conseyeru de Mediu Ambiente, Ordenación del Territoriu ya Infraestructures dixo qu’anque inda se tán evaluando los daños, el serviciu de Caltenimientu de la Direición Xeneral de Carreteres calcula que va ser necesariu desendolcar llabores d'arreglu que van superar este importe.

Ovidio Sánchez mostró la so "frontal oposición" a la esplotación de la mina d'oru de Salave (Tapia) pola empresa Dagilev Capital Corp, nueva propietaria de los derechos d'esplotación.

Sánchez realizó estes manifestaciones a los periodistes mientres la visita que realizó esta mañana a les zones del occidente asturianu más afectaes polos inundaciones.

Amnistía Internacional pidió al Presidente d'Asturies que nel próximu viaxe comercial ya institucional del Principáu a China ya India  trate cuestiones relatives a los derechos humanos.

Amnistía Internacional (AI) n'Asturies ellaboró un documentu que resume la situación de los derechos humanos y les  principales esmoliciones de la organización sobre China ya India, los dos países que va visitar una delegación comercial ya institucional d'Asturies.

CC.OO anunció que va haber fuelga en protesta pol decretu de reforma llaboral presentáu pol Estáu, pero encamentó esperar al martes pa saber la fecha de la convocatoria.

Asina lo avanzó en rueda de prensa'l responsable de comunicación del sindicatu, Fernando Lezcano, a partir de les opiniones espresaes polos secretarios xenerales de les federaciones de CC.OO reuníes mientres la mañana en Conseyu Confederal.

El presidente d'Hostelería d'Asturies, José Almeida, dixo que ye momentu de que la iniciativa privada s'una pa encarar la crisis, yá que que "la ilusión nes Alministraciones ta acabándose".

El N-VA, nuevu partíu de los independentistes y conservadores flamencos, impúnxose nes eleiciones belgues al llograr 27 de los 150 escaños del Parllamentu.