Abbas "nunca" va negar a los xudíos el so "derechu" a la tierra d'Israel

|

El presidente palestín, Mahmud Abbas, aseguró a la comunidá xudía de EEXX  mientres la so visita a Washington que "nunca" va negar a los xudíos el so "derechu" a la tierra d'Israel.

"Nunca negaría'l derechu de los xudíos a vivir na tierra d'Israel", declaró nel alcuentru, nel que participaron unos 30 líderes xudíos de grupos como'l Comité d'Asuntos Públicos Estaos Xuníos-Israel (AIPAC), la Lliga Antidifamación o la Conferencia de Presidentes de les Principales Organizaciones Xudíes, que falaron col presidente palestín de les conversaciones de paz indireutes y del incrementu a la violencia contra los xudíos.

Abbas afirmó, según el diariu israelín 'Haaretz', qu'hai tiempu propunxo la creación d'una comisión trillateral pa vixilar y castigar a los qu'afalen a la violencia contra los xudíos, pero qu'Israel nun taba d'alcuerdu.
  
Nuna entrevista que concedió depués a la cadena estadounidense PBS, repitió que "Xerusalén Este ye un territoriu ocupáu", dalgo que "reconoz tol mundu, incluyíu Estaos Xuníos", polo que cualesquier alcuerdu de paz que s'algame tien d'establecer Xerusalén Este como capital del futuru Estáu Palestín. "Nun podemos aceptar una solución qu'escluya Xerusalén Este, sorrayó.
  
Per otru llau, Abbas valoró los esfuerzos del Gobiernu de Barack Obama pa que s'aplique la solución de los dos Estaos. "Ye la primer vez que sentimos a un gobiernu estaoxunidense dicir que la solución de los dos Estaos beneficia a los intereses vitales d'Estaos Xuníos", indicó.

Contador Estadistiques