Rafael Amargo, Pitingo, Mónica Molina, Manolo Carrasco, José Mercé o Juan Carmona, “y grupos asturianos”, son los interpretes que van participar nel nuevu espaciu de TPA.

La canal pública estrena güei, llunes 5 de xunetu, n'horariu de madrugada l'espaciu ‘La hora de la música’, un programa que va ufiertar actuaciones, conciertos y vídeu-clips d'intérpretes “de tolos estilos musicales”.

Los trabayadores de Venturo XXI recibieron de la empresa la comunicación del Xulgáu de lo Mercantil de finar cola relación llaboral de nueve de cada diez emplegaos.

El Bloque por Asturies oponse a la construcción “illegal” del parking soterrañu de La Escandalera, “que va afeutar al Parque San Francisco y a los comercios de la zona”.

Poro, la organización nacionalista sofita la manifestación convocada pa güei a les 20 hores, pol movimientu ‘Vecinos d'Uviéu’, baxu les pancartes 'Salvemos el corazón d'Uviéu' y 'Paremos l'espoliu'.

PSOE ya IX-BA-Verdes valtaron güei nel parllamentu  la enmienda a la totalidá al proyeutu de Llei de midíes urxentes de contención del gastu. Roberto Colunga nun asistió a la sesión.

Darréu quier amosar la so solidaridá pa colos militantes de la Corriente Sindical d’Izquierda, qu’esti xueves pasáu ocuparon na Sindical d’Avilés la sede de FADE.

Los fechos asocedieron, según la organización de moceda, na tarde’l xueves. “Énte la denuncia de la Federación Asturiana d’Empresarios (FADE) les fuercies represives españoles actuaron rápidamente llevando a los afiliaos de CSI a comisaria”, afirmen.

La situación del Teatru Riera de Villaviciosa depués de les llenes de les últimes selmanes, fai que l’estrenu de la obra n’asturianu ‘Tuxa’ nun puea llevase a cabu.

L’estrenu taba previstu pa esti martes 6 de xunetu, a les 22:00 hores. La obra, promovida pol Serviciu de Normalización llingüística de la Comarca de la Sidra y dirixida por José Luis Campa, ye un repasu de la vida y obra de la escritora maliayesa Tuxa Villaverde (Tornón 1882-1934).

Zapatero atribúi'l recursu presentáu pol PP contra la nueva Llei del Albuertu a que'l PP lleva ante'l Constitucional "lo que pierde políticamente" y ta convencíu de que'l fallu va ser favorable.

"Tamos viendo una constante dende la Llexislatura anterior, ye probable que tamién d'ésta: que'l PP, lo que pierde políticamente tocantes a mayoría social y parlamentaria, siempres lo traduz nun recursu al Tribunal Constitucional", señaló Zapatero en rueda de prensa posterior al so alcuentru col presidente de Siria, Bashar al Assad, de visita oficial n'España.

L’asturianismu políticu fai apueste por defender los derechos del coleutivu de lesbianes, transexuales y bisexuales (LGTB), anque nengún partíu tien una agrupación de xente gai.

Tanto’l PAS como UNA amosáronse partidarios de trabayar pa lluchar contra la homofobia que tovía esiste na sociedá. “Ye obligación política de toda organización que reclame pa sí la condición de democrática”, diz el secretariu d’organización d’UNA, Roberto Holgado.

El Conseyu Regulador del Vinu de Cangas vetó la presencia del vinu Ḷḷumés de Bodegas Obanca na IV Feria del Vinu de Cangas por tar etiquetáu n’asturianu.

“El pasáu miércoles 31 de xunu recibimos una carta del Conseyu Regulador onde se nos esixía que na Feria teníemos que tapar les etiquetes n’asturianu y nos indicaben que nun podíemos vender el vinu ellí”, confirmó David Marcos, reponsable de la bodega, a Asturies.com.

El secretariu d'Estáu de la Seguridá Social, Octavio Grando, considera que'l datu del paru rexistráu nel mes de xunu afita que'l mercáu de trabayu "dexó pasar" lo peor de la crisis.