Zapatero afirmó que la presidencia española de la XE, que finó'l pasáu 30 de xunu, llogró una meyora sustancial" haza'l gobiernu económicu de la Xunión.

La conseyera de Presidencia, Xusticia ya Igualdá, María José Ramos, defendió  la Llei de Salú Sexual y reproductiva y de la interrupción del embaranzu "porque ye un derechu".

Ramos, nuna entrevista concedida a Onda Cero recoyida per Europa Press, manifestó qu'espera que "impere la cordura" en toles comunidaes autónomes y que se  aplique la llei  con normalidá.

Xune Elipe afirmó’l que l’asturianu tien que dir con nós, “facelu oficial na nuestra mente pa que depués seya oficial na sociedá”, y asina poder esixir a l'Alministración el so usu.

El cantante de Dixebra foi’l pregoneru'l pasáu sábadu de la XIV Fiesta de la Oficialidá de la Llingua de Bimenes, celebración que conmemora que’l conceyu foi’l primeru del país en declarar la oficialidá del idioma propiu nel so territoriu. Un procesu que darréu siguieron otros conceyos, anque’l Tribunal Superior declarara nules toles mociones.

La reserva hidráulica del Cantábricu asítiase al 84,4% de capacidá, con 534 hectómetros d'agua embalsao según información del Ministeriu de Mediu Ambiente.

El viceconseyeru de Promoción Cultural, Fernández León, va inaugurar mañana, a les 12.00 hores, el Centru d'Interpretación del 'Gaiteru Lliberdón', allugáu en Lliberdón (Colunga).

Según informó'l Conceyu, al actu van asistir, ente otros, l'alcalde de Colunga, Rogelio Pando, acompañáu d'otros miembros de la Corporación Municipal, familiares del 'Gaiteru Lliberdón' encabezaos pol so nietu Juan Miranda, y los miembros del Xuráu del Certame de Gaita Asturiana 'Premiu Gaiteru Lliberdón'.

Ovidio Sánchez esixe al ministru de Fomentu, José Blanco, qu'esclarie "los plazos, les obres y la inversión" del so departamentu nel Principáu na so próxima visita a la comunidá.

Pa Sánchez, el ministru tien d'esclariar cuándo va rematar el trescale del tren d'Alta Velocidá n'Asturies, hasta ónde va llegar l'AVE, en qué momentu va entamar a furrular, y si sigue calteniendo la fecha de 2012.

TPA2 algamó’l pasáu domingu una cuota de pantalla del 1,7%, que dende la canal califiquen de record hestóricu. Mientres, un espaciu n’asturianu en TPA1 ye’l más vistu del día.

El pasáu domingu 4 de xunetu, la segunda canal de TPA (A8) tresmitió’l Campeonatu d'Europa de Piragüismu d'Agües Tranquiles, entamáu en Tresona (Corvera). L’espaciu fixo algamar a la cadena, que xeneralmente emite la programación de TPA1 (A7) una hora depués, un 1,7% de cuota de pantalla, el so máximu hestóricu, según indicaron dende la propiu canal.

La denominación Vinu de Cangas diz que nun tien nengún problema col etiquetaxe n’asturianu del vinu Ḷḷumés, y diz que’l vetu vien pola so calificación y orixe.

Güei ye’l primer día d’aplicación de la nueva Llei del Albuertu, tantu na rede pública como nos cuatro clíniques concertaes pa la realización d'Interrupciones Voluntaries del Embaranzu (IVE).

La Llei 2/2010 de 3 de marzu obliga a los poderes públicos a facilitar l'accesu a la IVE disponiendo de tarxeta sanitaria, la IVE va ser gratuita ensin otru requisitu que presentar dicha tarxeta nel centru.

Más de cuareta grupos de Bretaña, Portugal, Galicia, País Vascu, Cornualles, Irlanda, Gales, Islla de Man y Asturies, van participar nel programa del Beltaine-Avilés Intercélticu.

Los grupos irlandeses Lúnasa y An Taisteal, el bretón Thomas Moison, Kekezza de Cornualles, la gaitera gallega Susana Seivane y los asturianos Felpeyu , Corquiéu y Tejedor, son les grandes actuaciones musicales del Festival. Toos ellos van ufrir la so música na Plaza’l Parche d’Avilés.