El Ministeriu de Fomentu rescinde'l contratu d'obres pal tramu Salas-La Espina de l'autovía A-63  en virtú de la reprogramación realizada pol axuste presupuestariu.

Nesti momentu, el Ministeriu y les empreses del so grupu caltienen 34 contratos d'obra nueva de más d'un millón d'euros nesta comunidá, de los que se rescinde una, el citáu tramu de l'A-63, que representa un 3 por cientu de los contratos.

La Corte Internacional de Xusticia (CIJ) consideró que Kosovu nun violó'l Derechu Internacional cuando declaró'l 17 de febreru del 2008 unillateralmente la so independencia de Serbia.

Les esportaciones en mayu registraron un descensu del 2,26% sobre 2009. Mientres, Asturies rexistró en xunu 16.126 afiliaos estranxeros a la Seguridá Social, un 1% más que nel 2009.

El Conseyu de Cooperación y de Solidaridá mostró'l so desalcuerdu a la celebración del V Festival Aereu de Xixón al considerar que "enmazcara" actos de propaganda militar.

Esti branu los deportistes que dan la cara pola oficialidá tán faciendo l'agostu. Samuel Sánchez, David Villa y Juan Mata tán recoyendo ésitos importantes nes sos disciplines.

De la mesma manera, dende la Xunta pola Defensa de la Llingua, quieren aprovechar pa dar ánimu a los que por tar mancaos, como Santi Cazorla, nun pudieron participar nes competiciones. “Tamién ye'l momentu de felicitar al colexáu Manuel Enrique Mejuto González, qu'hai poco, retiróse d'una brillante carrera como árbitru internacional”, apunten.

El Senáu aprobó cola única oposición de PP y UPN la reforma del so Reglamentu pal usu de les llingües cooficiales nos sos plenos a partir del próximu añu.

Caxastur punxo en marcha les ampliaciones de capital vinculaes a la integración de Caxa Castiella-La Mancha (CCM) en Banco Liberta, informó güei la entidá asturiana.

En concreto, Caxastur soscribió y desembolsó una ampliación de capital de 389,17 millones d'euros cola aportación de valores moblames representativos de deuda que coticen en mercaos secundarios oficiales.

El Parque Nacional de Picos d'Europa ye'l segundu más visitáu de la rede nacional, con 1.818.671 persones nel 2009, lo qu'equival al 18 por cientu del total.

El delegáu n'España de LD Lines, Carlo Tamagni, esplicó que l'autopista de la mar que va unir Xixón con Nantes (Francia) va tar operativa a primeros del próximu mes de setiembre.

Ofrecerá tres viaxes selmanales en cada puertu y capacidá pa tresportar 120 tráileres y unos 500 coches, amás de la posibilidá de conectar cola ruta a Inglaterra qu'ufierta la mesma naviera. L'aforru en tiempu na conexón con Francia ye de diez hores, mientres qu'en costu económicu asítiase nuna media de 500 euros.

‘Night of the living dead’ (La nueche de los muertos vivientes) ye’l primer llargumetraxe dobláu al asturianu de la hestoria. La película va estrenase mientres L’Arribada 2010.