De la Vega esclaró que l'Executivu "caltién la so posición" de nun reconocer a Kosovu y apostó pola solución dialogada del conflictu" porque "ye l'únicu camín posible".

Asina s'espresó la Vicepresidenta primera na rueda prensa posterior al Conseyu de Ministros, dempués de que'l ministru d'Asuntos Esteriores y de Cooperación, Miguel Angel Moratinos, declarare ayeri que tres la sentencia de la Corte Internacional de Xusticia (CIX), que considera llegal la declaración unillateral d'independencia "ábrese agora una nueva etapa".

Nel chigre de la Xunta pola Defensa de la Llingua Asturiana, La Casa Posafuelles (C/La Cuesta la Vega, 10), tolos veceros van poder probar y mercar el primer vinu etiquetáu n’asturianu.

Trátase del yá perconocíu Ḷḷumés, embotelláu pola empresa Bodegas Oubanca. El vinu ye variedá única nomada verdéu tintu, que namás esiste en Cangas del Narcea. El vinu ta criáu en cepes centenaries y tuvo mientres nueve meses nuna barrica de carbayu francés.

El presidente de l'Autoridá Palestina (AP), Mahmud Abbas, alertó al movimientu Al Fatá que lidera que los sos díes tán contaos nun siendo que ponga la so casa n'orde.

Una sentencia del Tribunal Superior de Xusticia de Navarra (TSXN) señala que’l vascu tien que valorase como méritu nes convocatories d'empléu públicu.

La sentencia del TSXN tien que ver con un concursu pa trabayar nel Serviciu Navarru de Salú-Osasunbidea aprobáu nel 2008 y nel que nun se valoró como méritu la conocencia del vascu.

Rafa Palacios anunció que’l Bloque va treslladar a toles fuerces asturianistes, asina como sindicatos y movimientos sociales, una propuesta pa facer un 8-S xunitariu y ensin sigles.

El voceru de la organización nacionalista y ex direutor de l’Axencia Asturiana de Cooperación anunció la iniciativa n’esclusiva al traviés del videochat colos llectores qu’Asturies.com entamó ayeri, 22 de xunetu.

Esti fin de selmana Xixón va enllenase col rock astur de Dixebra, La Tarrancha y Falanoncaduca. Amás, el domingu tamién habrá deporte del país y una charra sobre toponimia.

Dixebra y La Tarrancha van actuar na Feria de les Asociaciones de Xixón. Va ser na Playa Poniente a partires de les 22.00 hores. Sedrá de baldre y con dos de les meyores bandes de rock n'asturianu (amestu a ska, reggae, folk, llatinaes, funk…)

La copresidenta de los Verdes Europeos, la eurodiputada Monica Frassoni, desconfía que la incineradora de Coxersa puea algamar financiación del Bancu Européu d'Inversiones.

La Real Academia Galega presentó un recursu contencioso-alministrativu contra’l decretu del gallegu nel enseñu non universitaria del Executivu conservador gallegu.

Según la institución llingüística gallega, el presidente de la Xunta de Galicia, Alberto Núñez Feijoo foi alvertíu primeramente''por razones de tresparencia y llealtá institucional''.

TPA aumenta la so programación n'asturianu col espaciu de documentales ‘Mirasturies, el pasáu recién’, que la cadena autonómica emite los llunes y los vienres a les 9:30.

Chupa Chups alvirtió a los trabayadores de Villamayor que'l periodu de consultes va acabar esti llunes, día 26, si'l comité d'empresa nun acepta negociar los términos del ERE.

En declaraciones a Europa Press, el representante d'USO, Alejandro Toraño, esplicó que la empresa niégase a valorar la propuesta d'un plan de viabilidá que plantegaron esti miércoles los asesores de los trabayadores, como alternativa a los despidos.