Asturies.com Radio renueva les sos emisiones

Dende güei, Asturies.com Radio entama una nueva dómina col estrenu de nuevos programes sobre cultura, mitoloxía, llingua o historia del país.

Con una emisión ininterrumpida de 24 hores de música asturiana, con más del 90% nel idioma propiu, Asturies.com Radio entama güei a ufrir dellos microespacios sobre hestoria de la llingua, deportes tradicionales del país, mitoloxía asturiana y espacios pa deprender vocabulariu asturianu.

Los programes divulgativos busquen ayudar a conocer la identidá y cultura asturiana y van dir renovándose tolos díes, al igual que la música, onde ven poder sentir dende clásicos como El Presi, Nuberu o Xuanín de Mieres, hasta la nueva fola del rock astur con grupos como Skontra o La Tarrancha.