Pola mor del interés de la xente nel cursín de bandurria asturiana, ésti va celebrase tamién el 2 d’ochobre. D’esti mou, el músicu Daniel García de la Cuesta va introducir a esti instrumentu medieval los díes 25 de setiembre y 2 d’ochobre.

La bandurria asturiana ye un instrumentu tradicional que vien de la época medieval. Col enfotu d’espardir el so usu, el músicu Daniel García de la Cuesta, en collaboración col Muséu del Pueblu d’Asturies, organiza un cursín d’introducción a esti instrumentu.

El Senáu aprobó col votu en contra del PP una moción pola que plantea al Gobiernu reformar el Valle de los Caídos acordies a la Llei de la Memoria Histórica. Defende convertilo nun monumentu a l'alcordanza de "tolos muertos" na Guerra Civil.

El 63% de los llectores d’Asturies.com que participaron na encuesta va facer fuelga el 29 de setiembre. Sicasí, el 46% fáilo con discrepancies pa colos sindicatos mayoritarios. Un 36% nun se va movilizar.

La participación na fuelga, pesie a la discrepancia colos sindicatos mayoritarios ye la respuesta más votada nesti Conceyu Abiertu. Otru 17% opina qu’hai “qu’apoyar toles movilizaciones”, ensin facer crítiques a CC.OO y UXT.

El Gobiernu ta trabayando nun proyectu de llei pa que los ciudadanos puean dirixise en cualquier llingua cooficial a determinaos organismos estatales. L’asturianu nun entra nesti proyectu que nagua por “garantizar los derechos llingüísticos”.

L'anunciu fízolo nel Congresu'l vicepresidente terceru del Executivu y ministru de Política Territorial, Manuel Chaves, que desveló qu'existe yá un grupu creáu nel so Departamentu pa redactar esti proyectu de llei que regule l'usu de les llingües cooficiales na Alministración Xeneral del Estáu.

UNA va participar na manifestación convocada por CSI en Xixón el 29-S. Asina lo manifestó Faustino Zapico, portavoz de la formación, que ve necesariu un sindicalismu pa trabayadores y non pa “los porgüeyos de los sindicatos mayoritarios”.

El Parlament aprobó esti miércoles colos votos del tripartitu y CiU la Llei del Occitanu --aranés n'Aran--, cola que reconoz l'aranés como llingua oficial de Catalunya y comprométese a la protección y de la llingua propia de la Vall d'Arán.

La llei fomenta'l aranés, y regula la so oficialidá y el so usu nes instituciones propies de la Vall d'Aran y de la Generalitat, que tendrán qu'utilizar l'occitanu nes sos rellaciones colos ciudadanos y nos sos acuerdos.

El 22 de setiembre ye’l Día Européu de “¡La Ciudá, ensin el mio coche!”, polo que la Coordinadora Ecoloxista d’Asturies llama a Gobiernu del Principáu y Conceyos a plantear “alternatives de movilidá urbana más respetuosa col entornu”.

Caxastur celebra esti 22 de setiembre l'Asamblea Xeneral Estraordinaria pa l'aprobación de la so integración nel Sistema Institucional de Protección (SIP), al par que Caxa Mediterráneu, Estremadura y Cantabria

Amás, esti martes conocíase que'l procesu de segregación de Caxa Castiella-La Mancha (CCM) en Bancu Liberta, propiedá de Caxastur, quedó completáu tres alzar a escritura público los alcuerdos pa la integración, según informó la entidá a la Comisión Nacional del Mercáu de Valores (CNMV).

El presidente español, José Luis Rodríguez Zapatero, señaló que les espulsiones d'inmigrantes en situación irregular en Francia llevaes a cabu esti branu pol Gobiernu de Nicolas Sarkozy nun se realizaron pol so orixe étnicu.

Asina se pronunció Zapatero na entrevista concedida al 'Wall Street Journal' mientres la so visita a Estados Uníos. Según el presidente del Gobiernu, el mandatariu galu esplicó a los sos homólogos europeos nel conceyu de la UE de la selmana pasada "la so política de deportación qu'afecta a ciudadanos de Rumanía y Bulgaria".