Xeira, colectivu en defensa del gallego-asturianu, denuncia qu’hai escueles na so zona llingüística onde s’imparte l’asignatura d’asturianu. L’asociación critica que la planificación educativa nun tenga en cuenta la realidá llingüística.

En nota de prensa, Xeira denunció concretamente’l casu de la escuela de Berducedo (Ayande), una localidá onde se fala gallego-asturianu y na que se ta impartiendo llingua asturiana. Amás, Xeira recuerda qu’el primeru d’estos casos diose nel 2005 en Luiña (Ibias), llugar onde tovía sigue impartiéndose asturianu.

El primer ministru italianu, Silvio Berlusconi, espresó la so negativa a dimitir y indicó que'l presidente de la Cámara de los Diputaos, Gianfranco Fini, tendrá que presentar una moción de censura na Cámara Baxa si quier la so dimisión.

El representante n'España del Frente Polisariu, Bucharaya Beyun, denunció que Marruecos ta cometiendo una "llimpieza étnica" en L'Ayún y señaló que la comunidá internacional tien qu’intervenir p’algamar una solución pacífica.

L’asturianu va afayándose na programación televisiva. “El noticieru” ye’l nuevu espaciu en llingua asturiana qu’estrena esti xueves 11 a les 21.30 n’Uviéu Televisión. 

Presentáu por Xosé Lluis Remis, “El noticieru” ye un programa de 45 minutos qu’entemez conteníos propios d’un informativu y d’un magacín. Resume de noticies, entrevistes, axenda, el tiempu o espaciu infantil, son dalgunes de les estayes.

L'escritor Vicente García Oliva ye’l ganador de la decimosesta edición del Premiu d'ensayu en llingua asturiana “Máximo Fuertes Acevedo”, que concede la Conseyería de Cultura y Turismu del Principáu d'Asturies.

Ente les obres presentaes, el xuráu decidió conceder el Premiu al testu tituláu “El síndrome de Sherezade”, destacando que se trata d'una obra que, con bon estilu narrativu, analiza la necesidá antropolóxica de cuntar hestories y les funciones de los mitos y cuentos populares, con una consideranza especial de la sociedá actual y de la cosmovisión asturiana.

El grupu punk-folk Skontra ta a piques d’asoleyar el so tercer trabayu “Mazcando miseries”. Mientres nun sal, la banda ufre dos cantares d’adelantu n’Internet: “En mi cárcel” y “Santana”.

Grabáu nos Tutu Estudios de Corvera baxo la producción de Sergio Rodríguez, “Mazcando miseries” va ser el tercer discu d’estudiu de Skontra, banda referencial del punk-folk fechu n’Asturies.

Nel III Día de les Ciencies Asturianes, la directora xeneral de Política Llingüística, Consuelo Vega, destacó qu’actividaes como la programada tán pensaes pa enseñar que la ciencia tamién fala en llingua asturiana.

Vega indicó que, con actividaes como ésta, quier conquistase el mundu científicu pa la Llingua Asturiana, pa enanchar los campos d'usu d'esti idioma. Coles mesmes, destacó l'honor de cuntar con dos conferenciantes "de gran prestixu intelectual" y que son una referencia nel so campu.

La Mesa de la Cámara de la Xunta Xeneral del Principáu calificó como proposición de llei y almitió a trámite la propuesta contra’l maltratu animal fecha pol Bloque por Asturies, al traviés del diputáu Roberto Colunga.

La conseyera d'Alministraciones Públiques y vocera del Gobiernu, Ana Rosa Migoya, cifró esti miércoles en 1.100.00 euros los daños totales causaos pol temporal d’estos últmos díes n’Asturies.

El delegáu del Frente Polisariu n'Andalucía, Abidin Bucharaya, alvirtió esti miércoles de que se cuerre'l riesgu de que nes "próximes hores" el Sáhara se somorguie nuna "guerra civil" ente marroquinos y sah.arianos.

En rueda prensa nel Parlamentu andaluz, na que tuvo acompañáu por miembros d'IULV-CA y pol eurodiputáu d'IU, Willy Meyer, Bucharaya aseguró que los saharagüis nun tienen nada en contra del pueblu marroquín, "un pueblu vecín y hermanu, al que respetamos y que ye víctima como'l nuesu del réxime dictatorial qu'impón el rei de Marruecos".