Xuventú Asturianista critica que se “minusvalore” Asturies na TVE

|

Xuventú Asturianista esixó a la Corporación Radio Televisión Española’l cambiu de nome de “Panorama Regional”, el so informativu territorial n’Asturies. Amás reclamaron un informativu n’asturianu p’acabar col monollingüísmu informativu.

Según les mocedaes del PAS, nes distintes comunidaes autónomes los informativos territoriales de TVE reciben nomes como Informativo de Madrid, Noticias de Castilla y León, Telexornal-Galicia… que dan mayor entidá a la comunidá que’l términu “rexonal”.

“Consideramos que ye un términu anticuáu y que lo que busca ye minusvalorar el calter d’Asturies”, denuncia Xuventú Asturianista. Polo que reclamen el cambiu de nome del informativu de RTVE n’Asturies.

Informativu n’asturianu
Per otru llau, les mocedaes asturianistes tamién denunciaron el fechu de que yá nun haiga informaciones n’asturianu de TVE n’Asturies: “los asturianos tamos pagando dos equipos d'información pa ufiertar el mesmu productu: un informativu sobro Asturies fechu pola TPA y otru por TVE, y los dos en castellán”, denuncien.

D’esti mou, exisen qu’un de los dos medios públicos emita en llingua asturiana pa responder “a la realidá billingüe d’Asturies”.
 

Comentarios

Siempre camenté que más tarde o ceu tratarien informativamente falando na televisión a los asturfalantes como los miembros probes de la familia y daranmos el programa Panorama Regional n´asturianu pa que callemos, y estos gua.hes fain per ello ¿Qué creyeis qu´escoyeran si se llogra lo que piden? y ye que Panorama Regional emitese de llunes a vienres, 20 minutos, quiciaves 22, y nuna televisión centralista fecha dende Madrid nun creo que nel futuru permitase facer desconesiones llocales y comarcales polo que la fala del Navia-Eo ta fuera de xuegu, un puqiñin d´ambición nun vendria mal.
 
PD:Y eso si nun desaparecen les desconesiones autonomiques de TVE, que ya sabemos, los centros territoriales salen percaros a la cadena y blablabla, años lleven recortando el serviciu en radio y televisión.

Contador Estadistiques