El Ministeriu de Mediu Ambiente da lluz verde al tramu Lleón-Payares del AVE

La Declaración d’Impactu Ambiental del tramu San Andrés del Rabanedo-Variante de Payares del AVE ente Asturies y Madrid foi resuelta pol ministeriu competente. Ello va permitir l’ampliación de la plataforma del ferrocarril y l’avance de la obra.
 
El Ministeriu de Mediu Ambiente, y Mediu Rural y Marín dio a conocer ayeri nel Boletín Oficial del Estáu (BOE) que col proyeutu 'Estudios complementarios de la Linia de Velocidad Alta Madrid-Asturies. Tramu Lleón-Variante de Payares', siempre y cuando se autorice la alternativa selleicionada y nes condiciones deducíes del procesu d’evaluación, quedará adecuadamente protexíu’l mediu ambiente y los recursos naturales de la zona. Esti proyeutu consiste na ampliación de la plataforma del ferrocarril de la llinia actual nel tramu que va de San Andrés del Rabanedo, al norte de la ciudá de Lleón, y la conexión cola variante de Payares enantes de La Robla. Con esta operación, se pretende instalar una doble vía de prestaciones altes –ancho UIC internacional– y una vía convencional –ancho ibérico– pa potenciar asina tanto’l tresporte de viaxeros como’l de mercancíes.
 
La Declaración d’Impactu Ambiental recueye’l desmantelamientu y restauración de tolos tramos de plataforma ferroviaria abandonaos y de los de la plataforma actual que queden fuera d’usu como consecuencia del proyeutu, pa los que nun se prevé un usu posterior.